Л. А. Моторина
ӦМИДЗ ТУСЬ
2 КЛАССА ЧЕЛЯДЬЛЫ КОМИӦН СЁРНИТНЫ ВЕЛӦДЧАН НЕБӦГ
1 юкӧн
Йӧзӧдӧма мӧдысь, вежлалӧмӧн
Велӧдчан небӧгсӧ серпасаліс В. М. Пунегов
Вынсьӧдіс
Коми Республикаса йӧзӧс велӧдан да вылыс тӧдӧмлунъяс министерство
Сыктывкар
Коми небӧг лэдзанін
2003
Пасъяс:
— сёрнит тадзи
— нюмсер, шмонь, теш
— тӧдмав
— тест
— кывчукӧр
— велӧд сьыланкыв
— содтӧд удж
— омоним
— синоним
— антоним
Дона челядь!
Чолӧмала тіянӧс выль велӧдчан воӧн. Таво ті тӧдмаланныд выль кывъяс, велаланныд бурджыка сёрнитны комиӧн, лыддянныд уна мойд, висьт, кывбур.
Любовь Алексеевна
1–2.
ВАЙ ТӦДМАСЯМ.
ДЕТИНКА. Видза олан. Вай тӧдмасям. Ме Толя. А тэнад мый нимыд?
ДЕТИНКА. Бур лун! Нимӧй Вова. А ёртлӧн нимыс Миша. Вай тӧдмасям.
ТОЛЯ. Вай. Менам тшӧтш эм ёрт. Сылӧн нимыс Юра. Ми велӧдчам ӧтлаын.
1 удж. Лыддьы гораа колана ногӧн.
Видза олан, тӧдмасям, тшӧтш, велӧдчам.
2 удж. Комиӧд.
1. Меня зовут Лена. 2. Давай познакомимся. 3. У меня тоже есть друг.
3 удж. Лыддьы кывбурсӧ.
Тайӧ — ме.
А тайӧ — Дима.
Тайӧ — менам чужан сикт.
Димакӧд ми тӧдмасимӧ
Тӧрыт дзик.
Дима олӧ Сыктывкарын.
Сиктын — гӧсьт.
— Тані со детсад да ясли,
Сэтчӧ ветлӧ дзоля чой.
Эстӧн больнича, аптека,
Сэтчӧ огӧ мунӧй тэкӧд.
Но а тайӧ — миян школа,
Татчӧ велӧдчыны волам.
Дима шуӧ: — Вывті бур
Овны тіян сиктын дыр.
Ю. Васютов серти.
4 удж. Вочавидз юалӧмъяс вылӧ.
1. Кыдзи тэнӧ шуӧны? 2. Тэ коді: нывка али детинка? 3. Тэнад эм ёрт?
5 удж. Содты колана кыв.
Нимӧй ... . Ме ... . Меным ... арӧс. Ме ола ... . Менам эм ёрт. Сылӧн нимыс ... .
Медводдза кыв сёрникузяын гиж ыджыд шыпассянь. Сёрникузя помын сувтӧд чут (.), юалан пас (?) либӧ горӧдан пас (!).
* * *
— Менам эм акань.
— Кыдзи аканьыдлӧн нимыс?
— Кагаӧй.
— Кутшӧм тешкодь нимыс!
Бӧрйы лӧсялана кыв.
А: — Ме ... . А тэнад кыдзи нимыд?
Б: — Лида.
1. Васялӧн
2. Васялы
3. Вася
4. Васялысь
Мӧвпышт бура.
Серпасалӧмсӧ шу комиӧн. Быд визьын кывъяссьыс босьт медводдза шыпассӧ да йит.
Тэ тӧдмалін челядьлысь нимсӧ. Найӧ кутасны отсасьны тэныд коми кыв велӧдігӧн.
Нӧшта кодкӧ кутас отсасьны тэныд. Комиӧд кывъяссӧ да тӧдмав, коді тайӧ.
одинаковый
красивый
маленький
ленивый
трудолюбивый
зелёный
много
чёрный
Кывчукӧр — словарь
бӧрйы лӧсялана кыв — выбери подходящее слово
вай тӧдмасям — давай познакомимся
вочавидз юалӧмъяс вылӧ — ответь на вопросы
вывті — очень
гораа — громко
дыр — долго
ёртлӧн нимыс — имя друга
йит — соедини
кагаӧй — мой ребёнок
кывбур — стихотворение
комиӧд — переведи на коми язык
лыддьы — читай, прочитай
медводдза — первое
мӧвпышт — подумай
мый нимыд — как тебя зовут
ӧтлаын — вместе
сёрникузя помын — в конце предложения
содты колана кыв — добавь нужное слово
сэтчӧ — туда
татчӧ — сюда
тешкодь — смешное
эстӧн — там
3–4.
ШКОЛА ДОРЫН.
Нывкаяс да зонкаяс мунӧны школаӧ. Найӧ — велӧдчысьяс. Школаныс выль да ыджыд. Велӧдысьыслы челядь нуӧны гӧрд, лӧз да кольквиж дзоридзьяс.
ВЕЛӦДЧЫСЬ. Видза олан, Таня!
ТАНЯ. Видза олан, Валя.
ВАЛЯ. Кыдзи лоӧ комиӧн: «Я учусь во втором классе»?
ТАНЯ. Ме велӧдча мӧд классын.
ВАЛЯ. А кыдзи лоӧ комиӧн: «Сегодня будет урок коми языка»?
ТАНЯ. Талун лоӧ коми кыв урок.
ВАЛЯ. Бура сёрнитан коминас. Со звӧнок нин. Ӧдйӧджык пырам школаӧ.
6 удж. Лыддьы кывбурсӧ.
Видза олан, дона школа!
Видза олан, муса класс!
Миян тіянысь зэв ёна
Ставлӧн бырӧма нин гаж.
В. Ширяев.
7 удж. Лыддьы гораа колана ногӧн.
Выль, ыджыд, челядь, велӧдысьяс, кольквиж, дзоридзьяс, велӧдчысьяс, кыдзи, ӧдйӧджык.
8 удж. Комиӧд.
1. Мальчики и девочки идут в школу. 2. Они — учащиеся. 3. Дети несут цветы.
9 удж. Лыддьы сёрникузяяссӧ. Гиж да быд сёрникузя помӧ пукты колана пас.
Миян, класс ыджыд да югыд. Ӧшинь вылын быдмӧны мича дзоридзьяс. Стенын ӧшалӧны серпасъяс. Классын эм телевизор. Классным сӧстӧм да гажа.
10 удж. Велӧдчы юасьны комиӧн.
Даша велӧдчӧ мӧд классын.
Отсӧг:
1. Коді велӧдчӧ мӧд классын?
2. Кутшӧм классын велӧдчӧ Даша?
Стенын ӧшалӧ серпас.
1. .............. ?
2. .............. ?
3. .............. ?
Классын быдмӧны мича дзоридзьяс.
1. .............. ?
2. .............. ?
3. .............. ?
Коми кывйын
7 гласнӧй шы: а, и, о, ӧ, у, ы, э
12 гласнӧй шыпас: а, я, і, и, о, ӧ, э, е, ё, у, ю, ы.
11 удж. Лыддьы кывбурсӧ. Гласнӧй шыпасъяс улӧ карандашӧн пукты чут.
Быд вежонӧ ӧтчыд петӧ
Миян классын стенгазета.
Кор кӧть школаӧ эн лок,
Ӧшалӧ сэн «Звӧн-звӧнок».
Первой номерыс кор петіс на,
Тайӧ нимсӧ сылы сетісны
Даша, Маша, Валя, Галя,
Зина, Нина, Ваня, Саня,
Шурик, Юрик, ме да Влас —
Ставнас миян мӧдӧд класс.
Ю. Васютов.
12 удж. Помав сёрникузяяссӧ.
Ме велӧда коми кыв.
Тэ велӧдан роч кыв.
Сійӧ велӧдӧ ... .
Ми велӧдам ... .
Ті велӧданныд ... .
Найӧ велӧдӧны ... .
ЭН СОРЛАВ!
велӧдны — учить
велӧдчыны — учиться
Бӧрйы лӧсялана кыв.
А: — Ме велӧдча мӧд классын. А тэ кутшӧм классын ... ?
Б: — Ме тшӧтш.
1. велӧдчӧ
2. велӧдчӧны
3. велӧдчан
4. велӧдча
Думышт ӧ шыпаса кывъяс.
Тӧдмав ребуссӧ.
быд вежонӧ — в каждую неделю
велӧдчы юасьны комиӧн — учись задавать вопросы по-коми
кыдзи лоӧ — как будет
миян тіянысь зэв ёна ставлӧн бырӧма нин гаж — мы по вас очень соскучились
отсӧг — помощь
ӧдйӧджык — быстрее
ӧтчыд — один раз, однажды
ӧшалӧ — висит
помав — закончи
ставнас — весь
эн сорлав — не делай ошибок
5–6.
МИШУК РИСУЙТЧӦ.
Мишук босьтіс карандаш да кабала лист, кутіс рисуйтчыны. Первой сійӧ зэв кузь визь нюжӧдіс.
— Аттӧ, кутшӧм веськыд туйыс!
Сэсся босьтіс турунвиж карандаш да пондіс вӧчавны посни визьяс.
— Тайӧ турун, быдмӧ туй пӧлӧныс.
— Мамӧ, мамӧ, ме нӧшта серпасала коз пу да кӧчильӧс!
— Рисуйт, пиук, рисуйт. Да бӧрас петкӧдлы мамыдлы, мый артмас.
Мишук нӧшта рисуйтіс туй вылас ичӧтик гӧгыль да сетіс мамыслы.
— На, мамӧй, видзӧдлы! Артмис менам?
— Артмӧма, пиук, артмӧма. Кутшӧм нӧ эськӧ мойд серпасалін?
Н. Куратова.
13 удж. Лыддьы гораа колана ногӧн.
Босьтіс, кутіс, сійӧ, кузь, визь, нюжӧдіс, веськыд, сэсся, тайӧ, видзӧдлы, эськӧ, серпасалін.
14 удж. Комиӧд.
1. Миша взял карандаш. 2. Я нарисую ёлку и зайчика. 3. Покажи маме. 4. На, мама, посмотри. 5. Получилось у меня?
15 удж. Лыддьы кывбурсӧ.
Надя чоюклы
Рисуйта лючки:
Турунвиж тетрадьяс,
Пенал да ручка,
Сумка да книгаяс
(Эз на и дышӧд).
Нӧшта на рисуйта
Ичӧтик лыжи.
Чойӧй мед школаӧ
Котралӧ ӧдйӧ.
А. Журавлёв серти.
16 удж. Висьтав, кутшӧм рӧма шаръясыс Танялӧн да Ӧньӧлӧн.
Отсӧг: еджыд, лӧз, кольквиж, сьӧд, турунвиж, гӧрд.
17 удж. Висьтав, коді ыджыд, а коді ичӧт.
Пон, понпи, кань, ошпи, руч, каньпи, чипанпи, ручпи, шыр, кӧч, шырпи.
Отсӧг:
ыджыд
ичӧт
пон
понпи
18 удж. Лӧсьӧд сёрникузяяс.
Ме ... да ... .
Тэ ... да ... .
Сійӧ ... да ... .
Ми ... да ... .
Ті ... да ... .
Найӧ ... да ... .
пукалӧны
пукалам
пукаланныд
пукала
пукалӧ
пукалан
гижӧ
гижӧны
гижа
гижанныд
гижан
гижам
19 удж. Юась ёртыдлысь.
Отсӧг: Тайӧ мый? — Нянь. Тайӧ коді? — Нывка.
Карандаш, кӧчиль, визь, мам, пи, гӧгыль, коз пу, серпас, турун, вӧв.
* * *
Пашӧ кӧсйис гижны «Паш»,
Киас босьтіс карандаш,
Кабалаӧ пуктіс чут.
Водзӧ гижасьны эз кут,
Гӧгӧрвоис миян Паш:
Велӧдчытӧм карандаш.
Ю. Васютов.
Славик серпасаліс вӧлӧс да петкӧдліс батьыслы.
— Вӧлыс тай нӧ бӧжтӧм?! — чуймис бать.
— Бӧжыс карандашын на.
В. Амосов.
20 удж. Висьтав, мый портфеляд.
Отсӧг: Менам портфельын эм ... , ... .
Бӧрйы лӧсялана кыв.
А: — Менам эм пон. А тэнад?
Б: — ... эм кань.
1. сылӧн
2. тэнад
3. менам
4. налӧн
Мыйла тадзи шуам?
Эжва — Печора бӧрын миян мӧд ыджыд ю. «Эжва» нимыс артмӧма эж да ва кывъясысь. «Эжва, Эжва, визув Эжва, коми парма юӧй!» — гижӧ Геннадий Юшков аслас кывбурын.
Эжва ю бокын эмӧсь паськыд эрдъяс.
ЕНЭЖ
ЭЖВА
ЭЖА
аслас — в своём
артмас — получится
артмис — получилось
артмӧма — получилось
бокын — у, рядом
босьтіс — взял
бӧжтӧм — без хвоста
бӧрас — потом
бӧрын — после, за
быдмӧ — растёт
ва — вода
веськыд — прямая
велӧдчытӧм — необученный
видзӧдлы — посмотри
визув — быстрая
визь — линию
висьтав — скажи
водзӧ — дальше
гӧгӧрвоис — понял
гӧгыль — кружок
енэж — небо
кабала лист — лист бумаги
кӧсйис — хотел
кутшӧм рӧма — какого цвета
лӧсьӧд — составь
лючки — хорошо
мед — пусть
му — земля
мыйла — почему
нӧшта — ещё
нюжӧдіс — провёл
паськыд — широкие
петкӧдліс — показал
пондіс — стал
посни — короткие
сетіс — дал
сэсся — потом
тадзи — так
тай — же
туйыс — дорога
турун — трава
чуймис — удивился
шуам — говорим
эжа — дёрн
эз на и дышӧд — ещё не надоело
эрд — поляна, поле
эськӧ — же
юась — расспроси
7–8.
ШКОЛАЫН.
ВЕЛӦДЫСЬ. Видза оланныд, челядь. Пуксьӧй. Коді талун дежурнӧйыс?
ВЕЛӦДЧЫСЬ. Ме дежурнӧй.
ВЕЛӦДЫСЬ. Коді талун абу?
ЮРА. Ставӧн эмӧсь. Весиг ӧти лишнӧй. ВЕЛӦДЫСЬ. Но? Коді нӧ? Кыдзи нимыд? НЫВКА. Света.
ВЕЛӦДЫСЬ. А коді тэнӧ вайӧдіс школаас? СВЕТА. Ачым локті.
ВЕЛӦДЫСЬ. Мыйла?
СВЕТА. Велӧдчыны.
ВЕЛӦДЫСЬ. А тэныд кымын арӧс?
СВЕТА. Регыд квайт лоӧ.
ВЕЛӦДЫСЬ. Ичӧт на.
СВЕТА. Со Юра меысь на ичӧт, а велӧдчӧ. ЮРА. Ме ичӧт?!
СВЕТА. Ноко, Юра, сувтлы орччӧн.
ЮРА. Мун сэтысь, эн тракйы. Меным сизим арӧс нин.
ВЕЛӦДЫСЬ. Тушаыд ыджыд, а арлыдыд ичӧт. Тэ он кут велавны.
СВЕТА. Ме?! Со тайӧ «М». Тайӧ «А». Орччӧн кӧ гижам, лоӧ «МА». Ӧтчыд «МА» да мӧдысь «МА» лоӧ «МАМА»...
ВЕЛӦДЫСЬ. Тэ зэв сюсь нывка. Но ичӧт на. ВЕЛӦДЧЫСЬЯС. Ми кутам отсавны Светалы. Мед велӧдчӧ.
ВЕЛӦДЫСЬ. Аттӧ дивӧ! Но, сідзкӧ... Пуксьы, Света. Заводитам коми кыв урок.
Г. Горчаков серти.
21 удж. Лыддьы гораа колана ногӧн.
Пуксьӧй, локтісны, весиг, кыдзи, вайӧдіс, коді, локті, квайт, меысь, орччӧн, сэтысь, мӧдысь, козьналі, сюсь, сідзкӧ.
22 удж. Комиӧд.
1. Садись. 2. Садитесь. 3. Сколько тебе лет? 4. Мне семь лет. 5. Мы все будем помогать.
* * *
— Где ты живёшь?
— Я живу в Ухте, на улице Куратова.
— Ну и ну! Я тоже живу на улице Куратова, но в Сыктывкаре.
— Кӧні тэ олан?
— Ме ола Ухтаын, Куратов улича вылын.
— Дивӧ тай! Ме ола Куратов улича вылын жӧ, но Сыктывкарын.
КӦНІ?
ШКОЛА
ГОРТ
КЛАСС
-ын
23 удж. Лыддьы кывбурсӧ.
Меным дона сиктса школа,
Сэні уна книга эм,
Сэтчӧ велӧдчыны вола,
Медым сюсьӧн лои ме.
В. Истомин.
24 удж. Висьтав, коді кӧні олӧ.
Отсӧг: Кань олӧ керкаын.
1. Кӧч олӧ ... .
2. Пӧч олӧ ... .
3. Ур олӧ ... .
4. Чери олӧ ... .
5. Пон олӧ ... .
6. Пышкай олӧ ... .
Отсӧг: поз(й), горт, горс(й), чом(й), вӧр, ва.
КӦНІ?
ПАРТА
ПЫЗАН
УЛӦС
сайын
вылын
улын
дорын
25 удж. Помав сёрникузяяссӧ.
Тшак быдмӧ коз ... .
Ур пукалӧ коз лап ... .
Нывка сулалӧ ӧшинь ... .
26 удж. Содты лӧсялана кывъяс: вылын, улын, дорын, сайын.
Отсӧг: Со коз пу. Коз лап вылын пукалӧ ур.
1. Со му. Му ... быдмӧ картупель, кушман да сёркни. 2. Ӧшинь ... эжа. Эжа ... ми ворсам. 3. Воис Выль во. Ми ворсім да сьылім коз ... . 4. Менам чомйӧй керка ... .
27 удж. Лыддьы кывбурсӧ.
КӦНІ САКАР?
Ва стӧканӧ Ичӧт Ваньӧ
Лэдзис ыджыд сакар тор.
Ачыс ворсӧдіс на каньӧс,
Кысук мелі, оз и пур.
Сэсся нюжӧдіс бӧр кисӧ
Юмолысла миян Вань.
Видзӧдӧ да, стӧкан пиас
Лювъялӧ куш сӧмын ва.
Горзӧ Ваньӧ бӧрдӧм сорыс,
Узьны некыдзи оз вод:
— Кӧн нӧ менам сакар торйыс?
Васьыс сійӧс перйис код?
И. Торопов.
28 удж. Вочавидз юалӧмъяс вылӧ.
1. Мый сулалӧ пызан дорын? 2. Коді пукалӧ да бӧрдӧ улӧс вылын? 3. Мый куйлӧ пызан вылын? 4. Мый ӧшалӧ стенын?
29 удж. Лӧсьӧд тайӧ кывъясӧн сёрникузяяс.
Йӧра, йӧв, йи, йылысь, вой, мый, вый.
30 удж. Велӧд кывпесансӧ.
Йирӧ Серӧд йӧла йӧн,
Лоӧ рытнас йӧлаӧн.
Г. Юшков.
йӧ
йи
йы
Содты лӧсялана шыпас. Висьтав, мый эз лӧсяв.
Р
К
В
Щ
ок
К
Ф
Ч
П
ань
Г
М
П
Ц
ач
З
М
Ш
X
ыр
Бӧрйы лӧсялана кыв.
А: — Висьтав, кӧні тасьтіыс.
Б: — Пызан ... .
1. дорын 2. улын 3. сайын 4. вылын
Тӧдмав нӧдкывъяссӧ.
1. Нёль вок ӧти шапка улын пукалӧны.
2. Мича ныв пукалӧ керкаын, а кӧсаыс — ывлаын.
3. Керка весьтын ӧшалӧ нянь шӧрӧм, понъяс увтӧны, оз и судзлыны.
4. Джодж улын ош лапа, джадж дорын ош кабыр.
арлыдыд — возраст
ачым — сам, сама
бӧр — обратно
бӧрдӧм сорыс — плача, со слезами
вайӧдіс — привёл
весиг — даже
вола — прихожу
горзӧ — кричит
горс — дупло
дона — дорогая
кабыр — кулак
кушман — редька
куш сӧмын — только
кывпесан — скороговорка
локті — пришла
лоӧ — будет
лэдзис — опустил
лювъялӧ — плавает
медым — чтобы
некыдзи — никак
нӧдкыв — загадка
оз вод — не ложится
он кут велавны — не будешь усваивать
оз пур — не царапается
оз судзлыны — не могут достать
орччӧн — рядом
перйис — вытащил
поз — гнездо
пышкай — воробей
регыд — скоро
сиктса — сельская
сувтлы — встань
сэтысь — отсюда
сьылім — пели
стӧкан пиас — в стакане
сюсь — умная
тэныд кымын арӧс — сколько тебе лет
узьны — спать
чом — конура, домик
шӧрӧм — ломоть
эн тракйы — не дёргай
юмолысла — за сладким
9–10.
КОДӦН МЕ ЛОА?
— Ывла вылын сідз и тадз
Коля лунтыр жбучкӧ мач.
Сылӧн сувтӧдӧма мог:
Лоны футболистӧн, — висьталіс зонпоснилы Ӧньӧ.
Витя шевкнитіс кинас да шуис:
— Кӧсъя лётчикӧн ме лоны,
Таысь менӧ ошкӧ бать.
Кута велӧдчыны ёна,
Медым ставыс вӧлі «пять».
А Миша пельпомсӧ лэптыштліс да шуис:
— Ог на тӧд ме, кодӧн лоа,
Ыджыд арлыдӧ кор воа.
Гашкӧ, лоа инженерӧн.
Гашкӧ, лоа милиционерӧн.
— Батьӧ моз жӧ быдма кор
(Велӧдча ме бура),
Лоа сы моз жӧ шофёрӧн, —
Ошйысьыштіс Юра.
— Дерт, шофёрӧн абу лёк, —
Шыасис сэк Вова, —
Ас водзӧ ме пукті мог:
Космонавтӧн лоа.
Г. Юшков, В. Лодыгин, Н. Щукин серти.
31 удж. Лыддьы гораа колана ногӧн.
Мыйӧн, жбучкӧ, висьталіс, сёрни, водзӧ, лэптыштіс, ыджыд, ошйысьыштіс, дерт, шыасис.
32 удж. Комиӧд.
1. Кем быть? 2. Я хочу быть лётчиком. 3. Я буду инженером.
* * *
— Я умею играть в шашки. Чем ты увле-каешься?
— Шахматами. Зимой бегаю на лыжах, коньках. Играю в хоккей.
— Я тоже.
— Ме кужа ворсны шашкиӧн. Тэ мыйӧн кужан ворсны?
— Шахматӧн. Тӧвнас котрала лыжиӧн, конькиӧн. Ворса хоккейӧн.
— Ме тшӧтш.
КОДӦН?
МЫЙӦН?
ВРАЧ
ВЕЛӦДЫСЬ
АКАНЬ
ПАНЬ
-ӧн
Мыйӧн гижӧ детинка?
Детинка гижӧ ручкаӧн.
Мыйӧн рисуйтчӧ нывка?
Нывка рисуйтчӧ кисточкаӧн.
33 удж. Лӧсьӧд серпасъяс серти висьт да нимты.
Кисӧ мыськӧ майтӧг... .
Пиньсӧ весалӧ щӧтка... .
Юрсисӧ шыльӧдӧ сынан... .
Гачсӧ гладитӧ утюг... .
Роксӧ сёйӧ пань... .
Черисӧ сёйӧ вилка... .
34 удж. Помав сёрникузяяссӧ.
Отсӧг: Нывка ворсӧ мачӧн.
1. Илля рисуйтчӧ ... .
2. Машук вундӧ бумагасӧ ... .
3. Ӧльӧш кодйӧ мусӧ ... .
4. Мам вундӧ няньсӧ ... .
5. Колюк кыйӧ чери ... .
Отсӧг: карандаш, ножич, зыр, пурт, вугыр шатин.
35 удж. Вочавидз юалӧмъяс вылӧ.
Отсӧг: — Кыдзи шуан аканьтӧ?
— Аканьӧс шуа Настукӧн.
1. Кыдзи нимыс чой-вокыдлӧн?
2. Кыдзи нимыс бать-мамыдлӧн?
3. Кыдзи нимыс ёртыдлӧн?
4. Кыдзи нимыс велӧдысьыдлӧн?
36 удж. Содты лӧсялана кыв.
Отсӧг: Ме гижа мелӧн.
Ӧльӧксан рисуйтчӧ ... .
Олюк джодж чышкӧ ... .
Мам песласьӧ ... .
Бать тувъясьӧ ... .
Велӧдысь петкӧдлӧ ... .
мӧлӧт
машина
кисточка
указка
щӧтка
37 удж. Содты кольӧм шыпасъяс.
.джыд — .джыд
к.к — к.к — к.к
дж.дж — дж.дж — дж.дж
.оз — .оз
.м — .м
.ӧв — .ӧв
.ыв — .ыв
.он — .он
38 удж. Велӧд кывпесан.
Сюйӧ пӧчӧ пачӧ сӧчӧн,
Сёйӧ сӧчӧн чайӧн пӧчӧ.
Г. Юшков.
І да э гласнӧй шыпасъяс гиж сӧмын д, з, л, н, с, т чорыд парнӧй согласнӧйяс бӧрын.
И да е гласнӧй шыпасъяс гиж д, з, л, н, с, т небыд парнӧй согласнӧйяс бӧрын.
ді — ди
зі — зи
лі — ли
ні — ни
сі — си
ті — ти
дэ — де
зэ — зе
лэ — ле
нэ — не
сэ — се
тэ — те
39 удж. Лыддьы чорыд да небыд согласнӧй шыяссӧ бура шуалӧмӧн. Корсь кодӧн? мыйӧн? юалӧмлы кывъяс.
1. Таня вайис бидонӧн кык литра йӧв. 2. Ми ислалім лыжиӧн. 3. Важӧн комияс ворслісны сигудӧкӧн. 4. Сійӧ гижӧ ручкаӧн. 5. Батьӧй уджалӧ директорӧн. 6. Коді тайӧ уджсӧ вӧчис кык минутӧн? 7. Петя зіля тувъясьӧ мӧлӧтӧн. 8. Зина сёйӧ рок пу паньӧн. 9. Детинкаяс ветлісны карӧ экскурсияӧн. 10. А тӧданныд-ӧ ті, мый комияс черитӧ сёйӧны киӧн? 11. Чолӧмала нимлунӧн! 12. Кузь нэм да бур шуд! 13. Зеленечӧдз ме муні автобусӧн. 14. Зэв бура лыддьысян комиӧн.
40 удж. Думышт тайӧ кывъясӧн сёрникузяяс.
Тешкодь, тэнад, сэні, серпас, лэбач, детинка.
Тӧдмав нӧдкывсӧ. Инды чорыд да небыд с шыа кывъяс.
Овлӧ еджыд, гӧрд и сьӧд,
Сёян, сёян и он пӧт,
Видзӧдлан да вежыд петӧ,
Вотӧсыслӧн нимыс ... .
Н. Александров.
Бӧрйы лӧсялана кыв.
А: — Мый вӧчӧ мамыд?
Б: — Сійӧ уджалӧ ... .
1. врач
2. врачӧн
3. врачын
4. врачӧ
Комиӧд. Мый казялін ӧткодьсӧ?
1. солнце
2. пчела
3. ласковая
4. где
5. часы
6. тарелка
Содты лӧсялана шыпасъяс.
ас водзӧ — перед собой
быдма — вырасту
важӧн — раньше
вежыд петӧ — слюнки текут
весалӧ — чистит
висьт — рассказ
вотӧсыслӧн — у ягоды
вочавидз — ответь
вугыр шатин — удочка
вундӧ — режет
гашкӧ — может
дерт — конечно
ёна — очень сильно
жбучкӧ — пинает
зонпосни — мальчики
карӧ — в город
кодйӧ — копает
кодӧн — кем
кӧсъя — хочу
кута — буду
кыйӧ — ловит
лёк — плохо
лоны — быть
лунтыр — целый день
лэбач — птица
лэптыштіс — приподнял
медым — пусть
моз — как
мог — цель
мыськӧ — моет
ошйысьыштіс — похвастался
он пӧт — не наешься
ошкӧ — хвалит
пачӧ — в печь
пельпомсӧ — плечо, плечи
песласьӧ — стирает
сідз и тадз — и так и сяк
сӧчӧн — сочни
сувтӧдӧма — поставлена
ставыс — всё
сы кодь жӧ — как и он
сылы — ей, ему
сынан — расчёска
сэк — тогда
сюйӧ — ставит
таысь — за это
тувъясьӧ — забивает гвозди
шевкнитіс — махнул
шыасис — вступил в разговор
шыльӧдӧ — приглаживает
юалӧм — вопрос
11–12.
ШЫРӦН-КАНЬӦН.
Маша тьӧт тшӧкыда корлӧ менӧ нылыскӧд ворсны. Сійӧ шуӧ:
— Ме ветла лавкаӧ да почтаӧ. А тэ, бур пи, пукышт Катякӧд.
Катя радлӧ, кекӧначасьӧ:
— Юрик локтіс, ворсны кутам!
— Кутам, — шуа ме.
— Юрочка, мыйысь тэ кӧсъян ворсны? — юалӧ нывка. — Вай детсадйысь! Но, Юрик? Медводз вӧчам зарядка. Ӧти-кык, ӧти-кык! Вӧч кинад ме моз жӧ!
— Мун! Зарядкасӧ вӧчӧны вольпасьысь чеччӧм бӧрын, меным детсадйысь ворсны абу окота.
— Но, огӧ кутӧй зарядка вӧчны. Вай ворсыштам «шырӧн-каньӧн». Тэ быттьӧ кань, а ме быттьӧ шыр! Но, Юрик?
— Но-о, вай котӧрт, а ме суӧда тэнӧ.
Сӧмын Катя удитіс воськов-мӧд вӧчны, «кань» сійӧс кутіс.
— Тэ он куж ворсныд да! — дӧзмис нывка. — Вай выльысь. Каньыс ӧд первой узьӧ. Куткыртчы, кунь синтӧ.
Ме пукси улӧс вылӧ да шуа:
— Мун котрав. Ме узя нин, — Катя малыштіс синмӧс да заводитіс котравны. — Ме садьми нин.
— Садьмин кӧ, «няв» колӧ шуны, — велӧдіс Катя.
— Няв! — горӧді ме да куті сійӧс. — Ӧні тэ кань. Ме шыр лоа. Топыда кунь синтӧ и узь. Дыр узь. — Ме, дерт, шыравны эг и думайт.
— Ме ог куж шыравнытӧ, — шуи ме недыр мысти. Тэ ичӧтик, тэ и ло шырнас, а ме кань бӧр лоа.
— Вай!
— Няв! Няв! — стрӧга шыаси ме, уськӧдчи шыр вылӧ. Куті Катяӧс. — Ням-ням... сёйи ме тэнӧ.
...Регыд воис Маша тьӧтӧй. «Аттьӧ» меным шуис.
Н. Куратова серти.
41 удж. Лыддьы гораа колана ногӧн.
Тшӧкыда, кекӧначасьӧ, мыйысь, вольпасьысь, чеччӧм, быттьӧ, сійӧс, выльысь, узьӧ, куткыртчы, узя, аттьӧ, сёйи.
42 удж. Комиӧд.
1. Я схожу в магазин и на почту. 2. Мы будем играть. 3. Во что ты хочешь поиграть? 4. Мне не хочется играть в детсад. 5. Ты не умеешь играть.
* * *
— В субботу мы идём в поход.
— На автобусе?
— Нет. Мы пойдём пешком. «В дороге не побываешь, жить не научишься», — говорит моя бабушка.
— Счастливого пути!
— Субӧтаӧ ми мунам походӧ.
— Автобусӧн?
— Ог. Ми мунам подӧн. «Туйӧ кӧ он петав, овны он велав», — шуӧ ыджыд мамӧй.
— Бур туй, сідзкӧ!
мый вӧчӧ?
ворсӧ
сёрнитӧ
шуӧ
кыдзи?
шырӧн-каньӧн
рочӧн, комиӧн
бурӧн
мунӧ (кыдзи?) подӧн
мунӧ (кыдзи?) скачӧн
43 удж. Лыддьы кывбурсӧ.
Таня ноксьӧ тасьті-паньӧн,
Ваня ворсӧ шырӧн-каньӧн.
Сійӧ тивк — и улӧс вылын,
Сэсся со нин лабич улын.
— Мешайтчыны кутан он?
Ок тэ миян вильыш зон!
— Кута вильшасьны на дыр,
Аддзан он тэ? Ме ӧд шыр.
А. Попов.
Вочавидз юалӧмъяс вылӧ:
1. Мый вӧчӧ Таня? 2. Мый вӧчӧ Ваня?
44 удж. Велӧд шусьӧгсӧ.
Важ бур йӧзлӧн шулӧмыс
Менам нэм оз вун:
Йӧлӧн-выйӧн исковтӧ
Гожся мича лун.
И. Вавилин.
45 удж. Думышт кывъяс сетӧм слогъясӧн. Вӧдитчы кывчукӧрӧн.
Джа, жа, джо, жо, джӧ, жӧ, джу, жу, дже, же, джы, жы, джи, жи.
ДЖ шыа кывъяс вуджӧд визьысь визьӧ тадзи: дже-ньыд, джу-джыд, еджыд.
46 удж. Висьтав, коді мый вӧчӧ да кӧні.
Отсӧг: Челядь ворсӧны джоджын.
1. Нина небӧгъяссӧ видзӧ ... .
2. Пӧль пукалӧ ... .
3. Шыр котралӧ ... .
4. Катшыс куйлӧ ... .
джодж улын
джаджйын
жытник сайын
джек вылын
47 удж. Корсь пӧвсӧ.
дженьыд
джуджыд
еджыд
ыджыд
ю
бӧж
пон
кӧч
48 удж. Лыддьы кывбурсӧ.
Уджыд му вылад эм уна,
вӧчны быдтор куж,
мырсьысьлы эн вунӧд шуны:
— Кыпыд удж!
С. Попов.
Бӧрйы лӧсялана кыв.
А: — Кӧні уджалӧны бать-мамыд?
Б: — Мамӧй уджалӧ лавкаын, а батьӧй ... .
1. больничаӧн
2. больничаӧ
3. больнича
4. больничаын
Тӧдмав нӧдкывсӧ.
Мед кӧть коді: зон ли, ныв ли,
Сылысь бӧрдӧм шы он кывлы.
«Мам-мам», — шуӧ бурӧн-такӧн,
Дерт жӧ, лоӧ тайӧ ... .
Н. Щукин.
аддзан — видишь
бӧрдӧм — плач
бурӧн — по-хорошему
быдтор — всё
быттьӧ — как будто
важ йӧз — предки
видзӧ — хранит
вильшасьны — баловаться
вильыш — озорной
воис — пришла
вольпась — постель
воськов-мӧд — пару шагов
вӧдитчы — пользуйся
вӧч — делай
выльысь — снова
дӧзмис — рассердилась
жытник сайын — за хлебным амбаром
заводитіс — начала
йӧлӧн-выйӧн исковтӧ гожся мича лун — летний день год кормит
кекӧначасьӧ — хлопает в ладоши
комиӧн — на коми
корлӧ — вызывает
куж — умей
кунь — закрой
куті — поймал
кутіс — поймал
кутан — будешь
куткыртчы — свернись клубком
кыпыд удж — честь труду
лабич — скамья
малыштіс — погладила, потрогала
мыйысь — во что
мырсьысьлы — труженику
недыр мысти — через некоторое время
ноксьӧ — моет, прибирает
нэм — век
оз вун — не забуду
он куж — не умеешь
он кывлы — не слышишь
ӧд — ведь
ӧні — сейчас
подӧн — пешком
рочӧн — по-русски
садьми — проснулся
сійӧс — её, его
сӧмын — только
суӧда — догоню
сылысь — у неё
топыда — крепко
тшӧкыда — часто
тьӧт — тётя
удитіс — успела
уськӧдчи — кинулся
чеччӧм бӧрын — после подъёма
шусьӧг — пословица
шыравны — быть мышкой
эн вунӧд — не забудь
13–14.
КАРӦ ЭКСКУРСИЯӦН.
Ӧтчыд Коля аслас жырйын вӧчис гортса удж. Кухняын сёрнитісны мам-батьыс.
— Школаын Колялӧн велӧдысьыс висьталіс, коді пӧ бура велӧдчӧ, гожӧмнас ветлас карӧ экскурсияӧн, — висьталіс мамыс.
— Миян Колялӧн эмӧсь тройкаяс. Оз кӧ кут бура велӧдчыны, экскурсияӧн оз и мун, — шуис батьыс.
Коля кыліс тайӧ сернисӧ да шуис:
— Карӧ ветласны бура велӧдчысьяс? И ме тшӧтш кӧсъя ветлыны. Ме кута бура велӧдчыны. И гожӧмнас ветла карӧ экскурсияӧн.
Быд лун сійӧ ветліс школаӧ радпырысь.
Воис тулыс. Тулыс сідзи и кыскӧ челядьӧс ывлаӧ. Но Коля оз пет ывлаӧ. Сійӧ отсасьӧ мамыслы да пуксьӧ вӧчны гортса удж... Велӧдчан во детинка помаліс бура.
— Карӧ экскурсияӧн Коля тшӧтш ветлас, — висьталіс велӧдысь бӧръя урок дырйи.
Гортас Коля локтіс котӧрӧн:
— Мам, ме вуджи коймӧд классӧ! Аски ми автобусӧн мунам карӧ. Ветлам музейӧ, паркӧ, кафеӧ, циркӧ да театрӧ.
З. Рогова серти.
49 удж. Лыддьы гораа колана ногӧн.
Ӧтчыд, удж, сёрнитісны, велӧдысьыс, коді, велӧдчӧ, сёрнисӧ, тшӧтш, радпырысь, сідзи, отсасьӧ, пуксьӧ, вуджи.
50 удж. Комиӧд.
1. Коля делает уроки. 2. Я хочу поехать в город. 3. Я буду хорошо учиться. 4. Он помогает маме. 5. Завтра мы поедем на автобусе в город.
* * *
— Какой сегодня день?
— Сегодня четверг.
— А вчера какой день был?
— Среда. Я ходила в кино.
— Позавчера какой день был?
— Позавчера был вторник.
— Завтра какой день будет?
— Завтра будет пятница. Я пойду в школу.
— Послезавтра какой день будет?
— Послезавтра — суббота. Я пойду в театр.
— Там будут показывать сказку про репку.
— Кутшӧм лун талун?
— Талун четверг.
— А тӧрыт кутшӧм лун вӧлі?
— Середа. Ме ветлі киноӧ.
— Войдӧрлун кутшӧм лун вӧлі?
— Войдӧрлун вӧлі воторник.
— Аски кутшӧм лун лоӧ?
— Аски лоӧ пекнича. Ме муна школаӧ.
— Аскомысь кутшӧм лун лоӧ?
— Аскомысь — субӧта. Ме ветла театрӧ.
— Сэні кутасны петкӧдлыны сёркни йылысь мойд.
ВЕЖОН ЛУНЪЯС
выльлун
воторник
середа
четверг
пекнича
субӧта
вежалун
войдӧрлун
тӧрыт
талун
аски
аскомысь
КЫТЧӦ?
ГОРТ
ВӦР
ЫВЛА
-ӧ
кытчӧ? — куда?
Детинка мунӧ школаӧ.
Ур пырӧ горсйӧ.
Ош кавшасьӧ пу вылӧ.
Пон дзебсьӧ чомйӧ.
51 удж. Гиж кывъяссӧ колана ногӧн. Рочӧд.
Отсӧг: мый?
школа
кытчӧ?
школаӧ
Керка — ... , вӧр — ... , Сыктывкар — ... , сикт — ... , енэж — ... , пӧтӧлӧк — ... .
52 удж. Содты кольӧм кывсӧ.
Отсӧг: Тайӧ миян керка. Мам пырӧ керкаӧ.
1. Сиктын выль школа. Челядь мунӧны ... . 2. Со сикт. ... воисны карса артистъяс. 3. Со вӧр. Вотчысьяс мунӧны ... . 4. Сыктывкар — Коми Республикалӧн юркар. Ми волім ... . 5. Со енэж. Ме видзӧда ... .
53 удж. Лӧсьӧд сёрникузяяс.
Ме муна ... .
Тэ мунан ... .
Сійӧ мунӧ ... .
Ми мунам ... .
Ті мунанныд ... .
Найӧ мунӧны... .
горт
школа
лавка
театр
музей
библиотека
54 удж. Содты колана кыв. Сёрнит ёртыдкӧд.
— Выльлунӧ тэ кытчӧ ветлін?
— ... .
— А воторникӧ тэ кытчӧ мунан?
— ... .
55 удж. Содты колана кыв.
1. Васьӧ пуктӧ небӧгсӧ (кытчӧ?)
2. Лена пуктӧ тетрадьсӧ (кытчӧ?)
3. Челядь мунӧны (кытчӧ?)
ДЗ шыа кывъяс:
ӧмидз — малина
видз — луг
кыдз пу — берёза
дзирдалӧ — сверкает
кодзув — звезда
дзодзӧг — гусь
* * *
— Мый тэ, Таня, гожӧмнас вӧчин?
— Ветлі вӧрӧ ӧмидз вотны. Видз вылын ӧкті мича дзоридз.
— А ӧні кӧдзыдӧсь нин войясыс. Дзодзӧгъяс лэбӧны лунвылӧ. Видзӧдлы ӧшиньӧд. Кыдз пу вижӧдӧма нин. Войнас енэжын дзирдалӧ уна кодзув.
Бӧрйы лӧсялана кыв.
А: — Кытчӧ тэ мунан?
Б: — Ме муна ... .
1. библиотекаӧ
2. библиотекаын
3. библиотекалӧн
4. библиотекаӧн
Тӧдмав ребусъяссӧ.
КОТ
КАР
аски — завтра
бӧръя — последний
ветлас — съездит
видзӧда — смотрю
вижӧдӧма — пожелтела
войнас — ночью
вотны — собирать
вотчысьяс — собирающие ягоды
вуджи — перешёл
гожӧмнас — летом
гортса — домашнюю
дзебсьӧ — прячется
жыр — комната
кавшасьӧ — карабкается
котӧрӧн — бегом
кыліс — услышал
кыскӧ — зовёт
лавка — магазин
лунвылӧ — на юг
пуктӧ — кладёт
радпырысь — с радостью
рочӧд — переведи на русский язык
тулыс — весна
юркар — столица
15–16.
МОЙДЧӦМ.
МАШУК. Мамӧ, лыддьы меным мойд.
МАМ. Ог эшты ме, шӧвктугӧй. Ыджыд мамтӧ кор мыйкӧ мойдны.
МАШУК. Ыджыд мамлӧн ӧчкиыс жугалӧма. Батьӧлӧн кадыс абу жӧ.
ЫДЖЫД МАМ. Ӧньӧ, сёшайтӧй, лыддьы чойыдлы мойдсӧ.
ӦНЬӦ. Машук, ме ӧд тэнад ыджыд вок. Велӧдча мӧд классын нин. Лыддя, дерт, мойдсӧ. Лок, кывзы.
ЧАЧАЯСЛӦН ДОКТОР.
Диван вылын уна йӧз:
Гоз-мӧд акань, ошпи, мӧс,
Сэн жӧ йӧй бӧб — визя гача.
Висьмӧдчӧма со став чача.
Кодлӧн музгыльтчӧма кок,
Кодлӧн аппетитыс лёк,
Межлысь чегӧмаӧсь сюрсӧ,
Мӧслысь поткӧдӧмась юрсӧ.
Ошлӧн пазалӧма ныр,
Каньлӧн кынӧм висьӧ пыр.
Виччысьӧны врачлысь локтӧм:
— Кор нин воас бара доктор?
Локтіс ӧкмыс часын стӧч
Чачаяслӧн мелі врач,
Висьысь войтыр дорӧ петіс,
Быдӧнлы лекарство сетіс.
Кынӧмӧн оз норась кань:
Юӧ йӧв и сейӧ нянь;
Муніс дзоньвидзаӧн гортас
Варгыль ош и сылӧн ёртыс.
Важсьыс ён нин межлӧн сюр,
Мӧслысь вурӧмаӧсь юр,
Некод эз коль китӧм-коктӧм...
— Аттьӧ тэныд, муса доктор.
Илля Вась.
56 удж. Лыддьы гораа колана ногӧн.
Мойдчӧм, лыддьы, сёшайтӧй, висьмӧдчӧма, музгыльтчӧма, чегӧмаӧсь, сюрсӧ, мӧслысь, висьӧ, виччысьӧны, висьысь, йӧв, сёйӧ, дзоньвидзаӧн, важсьыс.
57 удж. Комиӧд.
1. Прочитай мне сказку. 2. Прочитай сестре сказку. 3. Я твой старший брат. 4. Пришёл врач.
КОДЛӦН?
пӧч
пӧль
ныв
пи
-лӧн
* * *
— Чья эта кукла?
— Олина.
— А почему у куклы платье грязное?
— Сегодня суббота. Олина кукла помоется и поменяет одежду. Оля, мама у куклы, постирает платье.
— Если с детства любишь труд, будешь хорошим работником.
— Кодлӧн тайӧ аканьыс?
— Олялӧн.
— А мыйла аканьлӧн платтьӧыс няйт?
— Талун субӧта. Олялӧн аканьыс пывсяс да вежас паськӧмсӧ. Аканьлӧн мамыс, Оля, песлалас платтьӧсӧ.
— Ичӧтысянь кӧ радейтан удж, лоан бур уджалысьӧн.
Леналӧн акань
кӧчлӧн морков
каньлӧн шыр
Мишалӧн серпас
58 удж. «Чачаяслӧн доктор» кывбур серти висьтав, кодлӧн кыті висьӧ. Содты колана шыпасъяс.
1. Меж... чегӧма сюр. 2. Мӧс... потӧма юр. 3. Ош... пазалӧма ныр. 4. Кань... висьӧ кынӧм. 5. Акань... музгыльтчӧма кок.
59 удж. Висьтав, кодлӧн эм коді.
Отсӧг: Мамлӧн эм ныв.
1. Внучкалӧн эм ... . 2. Воклӧн эм ... . 3. Ыджыд батьлӧн эм ... . 4. Челядьлӧн эм ... . 5. Батьлӧн эм ... .
Отсӧг: бать-мам, внук, внучка, пи, пӧч, пӧль, ыджыд бать, чой.
60 удж. Содты колана кывъяс.
Отсӧг: Челядьлӧн эм мам.
1. ... эм вок. 2. ... эм ыджыд бать. 3. ... эм внучка. 4. ... эм челядь. 5. ... эм пӧч-пӧль.
61 удж. Ворсыштӧй.
Ичӧтик пышкайлӧн кынӧмыс висьӧ.
Кӧн вӧлін, кӧн ветлін, ичӧтик пышкай?
Ичӧтик пышкайлӧн мышкуыс висьӧ.
Кӧн вӧлін, кӧн ветлін, ичӧтик пышкай?
Ичӧтик пышкайлӧн пельыс висьӧ.
Кӧн вӧлін, кӧн ветлін, ичӧтик пышкай? ...
Ю. Рочев.
62 удж. Рочӧд шусьӧгъяссӧ.
1. Лэбачлӧн ичӧт юрыс да ыджыд вежӧрыс.
2. Дышлӧн пыр кык мыш.
3. Сырчиклӧн вӧсни кокыс да йи чегъялӧ.
4. Мамлӧн чунь помыс небыд.
63 удж. Содты лӧсялана кыв.
Отсӧг: Ошлӧн пасьыс шоныд.
1. (Кодлӧн?) гыжйыс лэчыд.
2. (Кодлӧн?) кокыс тэрыб.
3. (Кодлӧн?) гӧныс шыльыд.
4. (Кодлӧн?) куыс дона.
йӧра
кань
руч
ур
ТШ шыа кывъяс:
анькытш — горох
кутш — орёл
петшӧр — крапива
ытшкыны — косить
гут кулан тшак — мухомор
тшетшкыны — стрекотать
* * *
— Менам ёртлӧн эм Катшыс пон.
— Менам понйыд эм жӧ. Середаӧ ме ветлі тшем вӧрӧ тшак вотны. Буско тшӧтш. А катшаяс аддзисны Бускоӧс да заводитісны тшетшкыны.
— А кутшӧм нӧ тшак вотін?
— Уртшак. Понтшактӧ да гут кулан тшактӧ эг вот.
— Миян потшӧс бокын анькытш быдмӧ. Лок ветлам.
— Но ӧд сэні и петшӧр быдмӧ!
64 удж. Велӧд кывпесансӧ.
Потшӧс пӧлӧн петшӧр ытшка,
Кутш да катша петшӧр пытшкын.
Илля Вась.
Бӧрйы лӧсялана кыв.
А: — Воторникӧ ... чужан лун.
Б: — Чужан лунӧн, Саша!
1. Сашалы
2. Саша
3. Сашалӧн
4. Сашалысь
Тӧдмав нӧдкывсӧ.
Дзоля-дзоля керка, керка тырыс олысь, ни ӧдзӧс, ни ӧшинь абу.
важсьыс ён — сильнее прежнего
варгыль — косолапый
вежӧр — ум
визя — полосатый
висьмӧдчӧма — заболела
виччысьӧны — ждут
воас — придёт
войтыр — народ
вӧсни — тонкий
вурӧмаӧсь — зашили
гӧн — шерсть
гыж — когти, ногти
дзоньвидзаӧн — здоровым
дона — дорогая
дыш — лентяй
жугалӧма — разбились
йӧй бӧб — шут
кадыс абу — нет времени
кор — попроси
кывзы — слушай
кынӧм — живот
китӧм-коктӧм — без рук, без ног
ку — шкура
лэбач — птица
лэчыд — острый
межлысь — у барана
музгыльтчӧма — подвернулась
мыйкӧ мойдны — рассказать какую-нибудь сказку
мыш — спина
некод — никто
ог эшты ме — мне некогда
оз норась — не жалуется
пазалӧма — разбился
пель — уши
поткӧдӧмась — раскололи
понтшак — поганка
потшӧс — изгородь
пыр — всегда
пытшкын — внутри
пышкай — воробей
сёшайтӧй — дорогой
стӧч — точно
сырчик — трясогузка
сюр — рог, рога
тырыс олысь — много жителей
тэрыб — быстрый
чегӧмаӧсь — сломали
чегъялӧ — ломает
чунь пом — кончик пальца
шӧвктугӧй — красавица
шыльыд — гладкий
эг вот — не собрал
эз коль — не остался
17.
БУР МАМ.
Менам мамӧй медся бур.
Сыысь мусаыс оз сюр.
Менӧ пасьтӧдӧ и вердӧ,
Шонтӧ аслас сьӧлӧм бердын,
Ичӧт юрӧ кӧдзӧ сям...
Тіян эм-ӧ татшӧм мам?
С. Попов.
ме — я
менам — у меня; мой, моя, моё
менам мам (мамӧй) — моя мама
менам бать (батьӧй) — мой папа
менам пальто (пальтоӧй) — моё пальто
Тайӧ мамӧй.
Тайӧ менам мам.
Тайӧ вокӧй.
Тайӧ менам вок.
65 удж. Содты лӧсялана кыв.
1. Менам эм ... .
2. Менам ... уджалӧ воспитательӧн.
3. Менам ... велӧдчӧ университетын.
Отсӧг: кань, чой, вок.
тэ — ты
тэнад — у тебя; твой, твоя, твоё
тэнад мам (мамыд) — твоя мама
тэнад бать (батьыд) — твой папа
тэнад пальто (пальтоыд) — твоё пальто
* * *
— Тэнад ичӧтик чойыд сёрнитӧ нин?
— А мыйла сылы сёрнитнысӧ? Сӧмын сійӧ муртса бӧрддзас, сылы и сідз ставсӧ сетӧны.
В. Амосов.
сійӧ — он, она, оно
сылӧн — у него; его, её
сылӧн мам (мамыс) — его, её мама
сылӧн бать (батьыс) — его, её папа
сылӧн пальто (пальтоыс) — его, её пальто
Тайӧ Ӧньӧ да сылӧн чойыс.
Тайӧ Таня да сылӧн вокыс.
66 удж. Рочӧд.
1. Кӧні вокыд? 2. Пӧльӧй пӧрысь нин. 3. Сылӧн мамыс зэв том. 4. Менам эм выльтор. 5. Сылӧн эм ёрт. 6. Тэнад эм «Би кинь» журнал?
ми — мы
миян — у нас; наш, наша, наше
миян мам (мамным) — наша мама
миян бать (батьным) — наш папа
67 удж. Лыддьы кывбурсӧ.
Миян пӧчӧ ставсӧ вӧчӧ,
Ок, майбырӧй, сё майбырӧй!
Быдмӧ Ваня ӧтка пиӧн,
Ӧтка пиӧн, кужтӧм киӧн.
Сылӧн радейтана пӧчӧ
Гортын ставсӧ ачыс вӧчӧ.
Ю. Попова, А. Мишарин серти.
* * *
Ичӧт дырйи менам оз вӧлі артмы л шы, сы пыдди артмӧ вӧлі й шы. Ме кӧсъя шуны: йӧлыд шома, а артмӧ: йӧйыд шома. Гырысьджык челядь ме вылын сералӧны: йӧйыд, шуӧны, йӧй и эм — абу шома ни юмов.
Кӧсъя шуны: менам лӧг петӧ, а артмӧ: менам йӧг петӧ. Бара ме вылын сералӧны — сьӧмдӧмаӧсь.
Илля Вась.
Комиӧн Щ шыпаса кывъяс колӧ лыддьыны тадзи:
щӧтка [тшӧтка]
борщ [борш]
плащ [плаш]
площадь [плошшадь]
ящик [яшшик]
клещи [клешши]
68 удж. Думышт щ шыпаса кывъясӧн сёрникузяяс.
69 удж. Тӧдмав нӧдкывсӧ. Воча кывсӧ серпасав.
Няйт кӧмӧн кӧ гортад пыран,
Джоджыд муӧн регыд тырас.
Кинад мутӧ он на ӧкты,
Тайӧс бура вӧчас ... .
Н. Щукин.
Бӧрйы лӧсялана кыв.
А: — Кӧні тэнад ... ? Б: — Гортын.
1. бать-мамным
2. бать-мамыд
3. бать-мамӧй
4. бать-мамныс
Тӧдмав нӧдкывсӧ.
Сытӧг эз чуж эськӧ олӧм.
Мелі нюмсьыс ставлы долыд.
Коді мусӧ, васӧ шонтӧ?
Тайӧ миян зарни ... .
Н. Щукин серти.
ачыс — сам, сама
вердӧ — кормит
выльтор — новости
гырысьджык — старше
джоджыд тырас — пол запачкается
долыд — радостно
зарни — золотое
ичӧт дырйи — в детстве
йӧйыд — дурак
йӧг петӧ — шишка появляется
кӧдзӧ сям — учит
кужтӧм — неумелый
медся бур — самая добрая
мелі нюмысь — от его ласковой улыбки
менам лӧг петӧ — я злюсь
муртса бӧрддзас — чуть заплачет
няйт кӧмӧн — в грязной обуви
оз артмы — не получается
оз сюр — не найти
олӧм — жизнь
он ӧкты — не соберёшь
ӧтка — единственный
пасьтӧдӧ — одевает
пӧрысь — старый
радейтана — любимая
сералӧны, сьӧмдӧмаӧсь — смеются
сы пыдди — вместо этого
сытӧг — без неё, без него
сыысь — её, его
татшӧм — такая
том — молодой
шома — кислый
шонтӧ аслас сьӧлӧм бердын — сердцем своим согревает
эськӧ — бы
эз чуж — не появилась
юмов — сладкий
18–19.
АРСЯ ПОВОДДЯ.
ЕНЭЖ
КЫМӦР
сентябр
КӦЧ
октябр
ЙИРЫМ
ноябр
ВӦЛЬГЫМ
* * *
МАМ. Чеччы, зарниӧй, асыв нин воис. Школаӧ мунан кад.
ӦНЬӦ. Но, час чечча. А кутшӧм талун поводдяыс?
МАМ. Арся поводдя. Талун зэрӧ. Енэжыс кымӧра. Шондіыс абу. Ывлаын тӧла. Пасьтась шоныдджыка — дӧрӧмась, гачась, свитерась, шапкаась, курткаась да резина сапӧгась.
ӦНЬӦ. Мед кӧть зэрӧ
Сувтса зэрӧн,
Шоныд зэрыд бур.
Сэсся кыдз нӧ,
Мамӧ, быдма,
Оз кӧ кӧтась юр?
МАМ. Ачыд кывбурсӧ лӧсьӧдін?
ӦНЬӦ. Эг. Тайӧ кывбурсӧ гижис Серафим Попов. Ме лыдди «Би кинь» журналысь. Мамӧ, а тӧрыт вӧлі бур поводдя?
МАМ. Да ... . Тӧрыт вӧлі шондіа. Енэжыс лӧз. Кос вӧлі. Лӧнь да шоныд.
70 удж. Лыддьы гораа колана ногӧн.
Чеччы, поводдя, кутшӧм, шондіыс, пасьтась, шоныдджыка, дӧрӧмась, зэрӧ, сэсся, лӧсьӧдін, лыдди.
71 удж. Комиӧд.
Какая сегодня погода? Сегодня идёт дождь. На улице ветрено. Оденься потеплее. Вчера была хорошая погода.
ӧти — один
пон
кӧч
кӧчпи
уна — много
понъяс
кӧчьяс
— яс
кӧчпиян
— ян
72 удж. Лыддьы сёрникузяяссӧ. Серпасъяс местаӧ висьтав колана кывъяс.
1. Менам гӧрд. А тэнад гӧрд
2. Леналӧн кольквиж. Светалӧн кольквиж.
3. Игорьлӧн турунвиж. Мишалӧн турунвиж.
-яс
1. Сёян-юан: сакар
сов
вый
яй — мясо
пызь — мука
шыдӧс — крупа
нянь
чери
йӧв
2. Град выв пуктас: картупель
кушман
анькытш
сёркни
3. Вотӧс: ӧмидз
сэтӧр
чӧд
оз
4. Кывъяс:
син
пель
кепысь
сапӧг
син пӧв
кепысь пӧв
73 удж. Лыддьы кывбурсӧ.
Ок и зэрӧ, зэрӧ.
Шондіа, да зэрӧ.
Гажсӧ шонді вӧзйӧ,
Челядьлӧн син ӧзйӧ —
Чиктылӧны, котралӧны,
Нимкодьпырысь шуалӧны:
— Выль зэр улын быдмӧдчам,
Быдмӧдчам да ёнмӧдчам.
Ю. Попова.
Кут тӧд вылад: зэр, шонді, челядь кывъяс шуигӧн -яс эн содты.
74 удж. Содты колана кывъяс.
Отсӧг:
Кӧч котӧртӧ.
Кӧчьяс котӧртӧны.
Джыдж лэбӧ.
... лэбӧны.
Кыдз пу сулалӧ.
... сулалӧны.
Ошпи пукалӧ.
... пукалӧны.
75 удж. Лыддьы серпасъяс серти.
Отсӧг: — ӧти ош.
76 удж. Висьтав сӧмын уна лыда кывъяссӧ.
Дзодзӧгъяс, кӧчьяс, джадж, кепысь, мӧсъяс, велӧдчысьяс, чипанпи, йӧрапиян, чышъян, лэбач.
77 удж. Корсь пӧвсӧ.
гӧрд
руд
еджыд
мича
лӧз
сюсь
небыд
тэрыб
кӧчьяс
аканьяс
коръяс
шыръяс
кок
ки
син
пель
78 удж. Лыддьы коми шусьӧгъяс. Корсь роч пӧвсӧ.
1. Ар бӧрын гожӧм оз пуксьывлы.
2. Арыд тыра караб кодь.
3. Арнад катша и рака пӧт.
4. Арся луныд кӧч бӧж кузьта.
Осень как гружённый корабль.
Осенний день короток, как заячий хвост.
После осени не наступает лето.
Осенью и сорока, и ворона сыты.
* * *
— Мыйла нӧ тэ, Маша, серпасалӧмыд нывкалысь синсӧ кымӧс вылас?
— Синмыс сылӧн чуймӧмысла сэтчӧ кайӧма.
— Семӧлӧн вӧлі куим кампет, ӧтиӧс сійӧ сетіс ёртыслы, — висьталӧ велӧдысь. — Кымын кампет аслыс колис?
— Горш Семӧыд некодлы оз сет! — горӧдіс Ӧньӧ. — Менсьым на мырддяс.
В. Кушманов.
Бӧрйы лӧсялана кыв.
А: — Коді пукалӧ ув вылын?
Б: — Ме думысь, ... .
1. лэбач
2. лэбачьяс
3. лэбачкӧд
4. лэбачтӧг
Тӧдмав нӧдкывъяссӧ.
1. Менӧ тшӧкыда корӧны, виччысьӧны, а петкӧдча кӧ, ставныс дзебсьӧны.
2. Зэра кадыд сылы бур,
Пыр и мыччас мусьыс юр.
Олӧ лун дай олӧ мӧд,
Быдмӧ вывлань, шог оз тӧд.
Гӧрд шляпаа, вывті тшап —
Зэв кыз кока косьтан ... .
Тӧдмав ребуссӧ.
арся — осенняя
аслыс — себе
асыв — утро
выль зэр — брызнувший дождик
гажсӧ вӧзйӧ — радость дарит
енэжыс кымӧра — небо в тучах
зэрӧ — дождь идёт
кад — время
кайӧма — поднялись
корӧны — зовут
колис — оставил
кос — сухо
корсь пӧвсӧ — найди пару
кут тӧд вылад — запомни
кымӧс вылас — на лбу
лӧнь — тихо
лӧсьӧдін — составил
нимкодьпырысь — с радостью
оз кӧтась — не промокнет
ӧзйӧ — сверкают
сувтса — проливной
серпасалӧмыд — нарисовала
сэсся — потом
тӧла — ветрено
час — сейчас
чеччы — вставай
чиктылӧны — радуются
чуймӧмысла — от удивления
шондіа — солнечно
эн содты — не добавляй
20.
ВАНЬӦ ДА САНЬӦ.
Кӧр видзысьяслӧн чум тыдалӧ ылӧдз. Чумкӧд орччӧн дадь вылын пукалӧны кык вок, Саньӧ да Ваньӧ.
— Ноко, висьтав, тайӧ кутшӧм шыпас? — юаліс Ваньӧ орччӧн пукалысь вокыслысь.
— Тайӧ? Тайӧ... Вунӧма!
— Тӧрыт на тӧдін да! Он тӧд?
— Часлы!..
— Ӧдйӧджык но!
— А-а-а! Тӧда, тӧда! Тайӧ «А-а-а!» шыпас.
— Но, а тайӧ шыпассӧ тӧдан?
— Тайӧс тӧда. Тайӧ «кӧлач» шыпас.
— Кӧлач?!
— Да. Кӧлач.
— Ноко. Мӧвпышт бурджыка. Кор батьыд уна чери кыйӧ, тэ сэки мый шуан, кор чуйман?
— Уна чери? О-о-о! «О» шыпас!
А мамыс вердӧ батьсӧ чомдорса бипур вылын пуӧм шыд-рокӧн, чайӧн юкталӧ. Найӧ орччӧн пукалӧны, кывзӧны челядьлысь сёрнисӧ да гусьӧн радлӧны-вашъялӧны.
Н. Никулин серти.
79 удж. Лыддьы гораа колана ногӧн.
Кӧр видзысьяслӧн, орччӧн, висьтав, кутшӧм, пукалысь, ӧдйӧджык, таиӧ, бурджыка, гусьӧн.
80 удж. Комиӧд.
1. Рядом с чумом на санях сидят два брата. 2. Забыл! 3. Не знаешь? 4. Знаю! 5. Эту букву знаешь? 6. Подумай хорошенько.
81 удж. Думышт быд шыпасӧн кыв. Вӧдитчы кывчукӧрӧн.
82 удж. Отсав серпасалысьлы гижны анбур.
Шыяс ми кылам да шуам. Шыпасъяс ми аддзам да гижам.
Опонь дядь юалӧ вит арӧса Колялысь:
* * *
— Тэ кужан серпасавны?
— Кужа.
— А гижны?
— Кужа жӧ.
— А лыддьысьны?
— Ог. Шыпасъяссӧ ог на тӧд.
В. Кушманов серти.
83 удж. Висьтав ӧ шыпассянь заводитчан кывъяс.
84 удж. Гиж анбур серти.
1. Вежон лунъяс: четверг, субӧта, выльлун, середа, воторник, пекнича, вежалун.
2. Коми кар нимъяс: Сыктывкар, Ухта, Емва, Усинск, Печора, Воркута, Инта, Вуктыл, Микунь, Сосногорск.
3. Коми газет да журнал нимъяс: «Коми му», «Чушканзі», «Би кинь», «Йӧлӧга», «Войвыв кодзув».
4. Коми ю нимъяс: Эжва, Сыктыв, Печора, Изьва, Луза, Уса, Висер, Вашка.
85 удж. Лыддьы кывъяссӧ. Висьтав, мыйӧн найӧ торъялӧны.
Велӧдысь — велӧдчысь, вӧв — вӧр, кӧк — кӧч, шыд — шыр, руч — руд, коз — кок, мыр — ныр — шыр, кань — пань — чань, джодж — джыдж — джадж.
86 удж. Лыддьы важ нӧдкывсӧ.
Кар дорын керасьӧны, а татчӧ чагъясыс чеччалӧны.
Бӧрйы лӧсялана воча кыв.
А: — Кымын шыпас коми анбурын?
Б: — ... шыпас.
1. 33
2. 34
3. 35
4. 36
Думышт куим шыпаса кывъяс.
аддзам — видим
анбур — алфавит
бипур — костёр
вашъялӧны — улыбаются
вунӧма — забыл, забыла
гусьӧн — тихо
керасьӧны — рубят
кор — когда
кӧр видзысь — оленевод
кужан — умеешь
кылам — слышим
мӧвпышт — подумай
отсав — помоги
серпасалысьлы — художнику
сэки — тогда
тыдалӧ ылӧдз — виден издалека
чаг — щепка
чеччалӧны — отскакивают
чуйман — удивишься
юкталӧ — поит
21–22.
ОТСӦГ.
Мойд.
Арнас кӧч лэптіс выль керка. Колис тэчны пач. Ныв-пияныс отсасьӧны батьыслы: коді кирпич пыртлӧ, коді мыччалӧ сылы. Уджыс пуӧ.
Выль керка дорті мунӧ меж. Кӧч аддзис межӧс да чукӧстіс:
— Лок, Мегар, пач тэчны отсав... Шуӧны, тэ пӧ мастер. А ме первойысь пачсӧ тэча да, гашкӧ, оз артмы.
— Да-а, ме-е мастер! Пачтӧ тэчны и жугӧдны верма. Тӧрыт ме-е-е ёна люкаси да талун юрӧй висьӧ. Коркӧ мӧдысь отсала.
Кӧч нинӧм эз шу, сӧмын зільджыка заводитіс уджавны. Регыд мысти пачыс вӧлі дась нин. Кӧч-мам пуис сэні ыджыд чугун тыр капуста шыд. Восьса ӧшиньӧд чӧскыд дукыс ылӧдз разаліс.
Меж кыліс чӧскыд дуктӧ да локтіс Кӧч керка дорӧ:
— Эй, Табъя кок! Помнитан, ме кӧсйи тэныд отсасьны?
— Помнита, — вочавидзис Кӧч.
— Ме-е-е со локті шыдтӧ сёйны отсавны... .
— Аттьӧ, Мегарин! Ми и тэтӧг шыднымӧс помалам.
Кӧчпиян серӧктісны да зіля кутісны панясьны.
С. Раевский серти.
87 удж. Лыддьы гораа колана ногӧн.
Лэптіс, тэчны, отсасьӧны, мыччалӧ, аддзис, люкаси, висьӧ, зільджыка, регыд мысти, дась, сэні, ыджыд, восьса, ылӧдз, серӧктісны, панясьны.
88 удж. Комиӧд.
1. Дочки и сыновья помогают папе. 2. Баран, помоги. 3. Заяц ничего не сказал. 4. Мама сварила суп. 5. Зайчата засмеялись.
* * *
— Ребята, я работаю в газете «Эхо». Я — журналист. Пожалуйста, ответьте на мои вопросы. Что вы делаете в школе?
— Мы учимся.
— Олег, а ты помогаешь маме?
— Да. Я помогаю.
— А что ты делаешь?
— Я мою посуду.
— Петя, а ты помогаешь маме?
— Нет. Я помогаю папе.
— Молодец! А как ты помогаешь?
— Я помогаю ему читать газеты и смотреть телевизор.
— Челядь, ме уджала «Йӧлӧга» газетын. Ме — журналист. Кора вочавидзны менам юалӧмъяс вылӧ. Мый ті вӧчанныд школаын?
— Ми велӧдчам.
— Олег, а тэ отсасян мамыдлы?
— Да. Ме отсася.
— А мый тэ вӧчан?
— Ме мыськала дозмук.
— Петя, а тэ отсасян мамыдлы?
— Ог. Ме отсася батьлы.
— Шань! А кыдзи тэ отсасян?
— Ме отсала сылы газет лыддьыны да телевизор видзӧдны.
ӦНІ — СЕЙЧАС
ме гижа
ме лыддьыся
ми гижам
ми лыддьысям
тэ гижан
тэ лыддьысян
ті гижанныд
ті лыддьысянныд
сійӧ гижӧ
сійӧ лыддьысьӧ
найӧ гижӧны
найӧ лыддьысьӧны
89 удж. Содты колана кывъяс.
Отсӧг: Ме пукала.
Тэ пукалан.
Ме котӧрта.
Тэ ... .
Тэ сулалан.
Ме ... .
Ме чышка.
Тэ ... .
Тэ мунан.
Ме ... .
Ме гижа.
Тэ ... .
90 удж. Лӧсьӧд серпасъяс серти сёрникузяяс.
Отсӧг:
Кӧч котӧртӧ.
Кӧчьяс котӧртӧны.
91 удж. Содты лӧсялана кыв
Отсӧг: Ме ворса мачӧн.
Тэ ворсан мачӧн.
1. Ме ... школаӧ.
Тэ ... школаӧ.
2. Ме ... ручкаӧн.
Тэ ... ручкаӧн.
3. Ме ... парта сайын.
Тэ ... парта сайын.
4. Ме ... ӧшинь дорын.
Тэ ... ӧшинь дорын.
92 удж. Серпасъяс серти лӧсьӧд сёрникузяяс.
Отсӧг: Колялӧн эм небӧг. Сійӧ лыддьысьӧ.
1. Сашалӧн эм пань. Сійӧ ... .
2. Леналӧн эм акань. Сійӧ ... .
3. Олялӧн эм щӧтка. Сійӧ ... .
4. Ниналӧн эм карандаш. Сійӧ ... .
93 удж. Содты колана кыв.
АСЫВ.
Шарик (мый вӧчӧ?): ав, ав, ав!
Мурзик (мый вӧчӧ?): няв, няв, няв!
Чибук (мый вӧчӧ?): го, го, го!
Чипан (мый вӧчӧ?): ко, ко, ко!
Полюк Машка помся (мый вӧчӧ?)
Йӧрын кылӧ: рук, рук, рук.
Ставыс виччысьӧны, гашкӧ,
Кытчӧдз сёян ме ог юк.
В. Бабин.
Отсӧг:
гӧрдлӧ
кашкӧ
нявзӧ
тявзӧ
котсьӧ
94 удж. Содты колана шыпасъяс.
1. Ме велӧдч... мӧд классын. 2. Коля, тэ кӧні велӧдч... ? Ме велӧдч... сиктса школаын. 3. Кыдзи Саша велӧдч... ? Сійӧ велӧдч... бура. 4. Кутшӧм школаын ті велӧдч... ? Ми велӧдч... карса школаын. 5. Кутшӧм классын велӧдч... Лена да Таня? Найӧ велӧдч... мӧд классын.
95 удж. Лыддьы сьыланкывсӧ. Висьтав, коді мый вӧчӧ.
Джиги, джиги!
Меж пач вартӧ,
Кӧин му лэптӧ,
Кӧч лысьтысьӧ,
Шыр би видзӧ,
Рака ва катлӧ,
Кань тасьті-дозмук мыськалӧ.
Фольклорысь.
96 удж. Лыддьы кывбурсӧ. Висьтав, мый вӧчӧ кӧчиль.
КӦЧИЛЬ.
Тутш-тотш, тутш-тотш —
Вӧрын кӧчиль заптӧ потш.
Потшӧ ассьыс йӧрсӧ,
Керка водзсӧ-бӧрсӧ.
Картупельтӧ, луктӧ,
Сёркни йӧрас пуктӧ,
Лун-лун градсӧ бертӧ
Морков улӧ, дерт ӧд.
Тутш-тотш, тутш-тотш —
Кӧчиль тувъялӧ нин потш,
Сэсся уджач Кӧчыс
Мастеритӧ ӧдзӧс:
— Пырӧй, гӧсьтъяс, сэті,
Морков ставлы сета!
В. Бабин.
Велӧд сьыланкыв.
Уна блин ме пӧжала,
Гӧсьтъясӧс ме корала.
Припев.
Волӧй, гӧсьтъяс, миянӧ,
Дзожгана пӧсь блин дорӧ.
Ӧшинь улӧс чышкала,
Гӧрд ковёрӧс вольсала.
Припев.
Пызан вылӧ вая ырӧш.
Юӧй ырӧш кӧть тыр кӧш.
Припев.
Пызан вылын самӧвар.
Гӧсьтъясыдлӧн сёрни-гар.
Припев.
Миян праздник гажа тан,
Кытшӧн вайӧ йӧктыштам.
Припев.
Бӧрйы лӧсялана кыв.
А: — Ме быд лун чышка джодж. А тэ ... мамыдлы?
Б: — Отсася.
1. отсалӧ
2. отсалам
3. отсалӧны
4. отсасян
Тӧдмав нӧдкывсӧ.
Гожӧмнас руд рӧма ветлӧ.
Тӧлын еджыд гӧн век петлӧ.
Пельыс кузь, но дженьыд бӧж.
Полӧ быдторйысь нэм чӧж.
Воча кывсӧ корсь 94 лист бокысь.
арнас — осенью
ассьыс — свой
бертӧ — копает
быдторйысь — всего
вартӧ — делает печь
верма — могу
вольсала — постелю
волӧй — приходите
восьса — открытое
гожӧмнас — летом
дась — готов
дук — запах
еджыд гӧн — белая шубка
жугӧдны — развалить
заптӧ — заготавливает
йӧктыштам — попляшем
йӧр — огород
катлӧ — носит
колис — осталось
корала — приглашу
коркӧ мӧдысь — в другой раз
кӧш — ковш
кыліс — почуял
лэптіс — построил
люкаси — бодался
лэптӧ — пашет
лысьтысьӧ — доит корову
меж — баран
миянӧ — к нам
мыччалӧ — подаёт
нинӧм — ничего
нэм чӧж — всю жизнь
панясьны — хлебать суп
потш — жерди
потшӧ — городит
пуктӧ — сажает
пуӧ — кипит
полӧ — боится
пӧжала — испеку
пыртлӧ — заносит
разаліс — распространился
регыд мысти — вскоре
тувъялӧ — забивает
тыр — полный
тэтӧг — без тебя
тэчны — сложить
чукӧстіс — окликнул
чышка — подметаю, вытираю
ырӧш — квас
НЮР — болото
ВӦР — лес
РАС — роща
НИА ПУ — лиственница
ПИПУ — осина
КЫДЗ ПУ — берёза
ЁЛЬ — ручей
КОЗ ПУ — ель
НЬЫВ — пихта
ТЫЛА — подсека
ЯГ — сосновый бор
ЛОС — сырая низина
ЛЬӦМ ПУ — черёмуха
ПЕЛЫСЬ ПУ — рябина
ПОЖӦМ ЛУ — сосна
Кокӧ, кокӧ, котрав,
Чӧдла, пувла — ягӧ,
Мырпомла — нюрӧ,
Сэтӧрла — лоскӧ,
Льӧмла — кустӧ,
Озла — тылаӧ.
Фольклорысь.
23–24.
УР ШОГ.
Мойд.
Асывнас Кӧч кыліс бӧрдӧм шы. Котӧртіс шы вылас. Коз лап вылын пукаліс Ур да, коньӧр, синвасӧ чышкаліс.
— Мый нӧ бӧрдан? — юаліс Кӧч.
— Быть ӧд бӧрд, — шуис Ур. — Тӧв локтӧ, а ни ӧти коль со некӧн. Мунны ковмас гортысь.
— Кытчӧ мунны?
— Кытчӧкӧ. Кӧні артмис колльыс.
Кӧч сӧмын жугыля топӧдліс пельсӧ. Сійӧ эз тӧд, кыдзи отсавны Урлы.
— Тэ жӧ радейтан тшактӧ! Ульсӧ на йирлан. Яла яг вылӧ бара зэв уна гоб петіс, — висьталіс Кӧч.
— Да эськӧ да, — нурбыльтіс Ур. — А яла ягыд ылын. Кыдзи ме сэтысь ваяла?
— Ме отсала! — шуис Кӧч.
И ваяліс сійӧ яла ягысь гобсӧ. А Ур ӧшліс косьтыны, пысавліс коз пу увъясӧ.
Кор воис тӧв, Ур эз и усь шогӧ.
Г. Юшков.
97 удж. Лыддьы гораа колана ногӧн.
Котӧртіс, коньӧр, ньӧти, кытчӧ, колльыс, сійӧ, тшак, йирлан, эськӧ, кыдзи, усь.
98 удж. Комиӧд.
1. Почему ты плачешь? 2. Спросил Заяц. 3. Я помогу. 4. Сказал Заяц.
КЫТЫСЬ?
МЫЙЫСЬ?
ГОРТ
ЛАВКА
ПУ
КӦРТ
-ЫСЬ
* * *
— Сегодня на нашем уроке игра «Из чего?». Ребята, из чего получается масло?
— Масло получается из молока.
— Из чего ваша мама варит кашу?
— Из крупы.
— А суп?
— Из мяса.
— Из чего пекут хлеб?
— Из муки.
— А что получается из воды, но воды боится?
— ... .
— Талун ми урок дырйи ворсам «Мыйысь?». Челядь, мыйысь артмӧ вый?
— Вый артмӧ йӧлысь.
— Мыйысь мамныд пуӧ роктӧ?
— Шыдӧсысь.
— А шыдтӧ?
— Яйысь.
— А мыйысь пӧжалӧны нянь?
— Пызьысь.
— А мый артмӧ ваысь, но васьыс полӧ?
— ... .
кытчӧ?
куда?
— ӧ
Ур пырӧ горсйӧ.
Пон пырӧ чомйӧ.
кытысь?
откуда?
— ысь
Ур петӧ горсйысь.
Пон петӧ чомйысь.
99 удж. Содты колана шыпасъяс.
Сергей пырӧ автобус... .
Сергей петӧ автобус... .
Нина мунӧ школа... .
Нина локтӧ школа... .
100 удж. Лӧсьӧд сетӧм кывъяснас куим сёрникузя.
Отсӧг: Пуяс вылысь гылалӧ кор.
пу вылысь — с дерева
коз улысь — из-под ели
пызан дорысь — от стола
керка сайысь — из-за дома
101 удж. Висьтав, мыйысь вӧчӧма кӧлуйсӧ.
мыйысь? — из чего?
Чер вӧчӧма кӧртысь.
Шкап вӧчӧма пуысь.
Кепысь кыӧма вурунысь.
102 удж. Висьтав, мыйысь ыджыд мам пуӧ чӧскыд варенньӧсӧ.
Отсӧг: Ыджыд мам пуӧ варенньӧ чӧдйысь, ... .
103 удж. Лыддьы кывбурсӧ.
Пачӧ, пачӧ, гажъяв,
Уль пу доддя мунӧ,
Кос пу доддя локтӧ.
Низя-ура вӧрысь,
Чӧдъя, пувъя ягысь,
Ӧмидза кустысь,
Сэтӧра лоскысь.
Кӧч чеччалан шор дорысь,
Вурд ислалан чой помысь,
Байдӧг баксан бадь дорысь,
Тури чуксан нюр дорысь!
Фольклорысь.
Бӧрйы лӧсялана кыв.
А: — Кымын часын тэ локтін ... ?
Б: — Куим час на эз вӧв.
1. школа
2. школалӧн
3. школаын
4. школаысь
Тӧдмав нӧдкывъяссӧ.
1. Вӧлыс кӧртысь, а бӧжыс шӧртысь.
2. Лудысь аддза тась и сэтысь,
Ветлӧдлӧны пась и кепысь.
Ю. Попова.
3. Гортысь петавтӧг
Ылӧдз нулывлӧ.
«Бур вой» — меным тшӧтш
Быд рыт шулывлӧ.
А. Филиппов.
ӦМИДЗ ЙЫЛЫСЬ СЬЫЛАНКЫВ.
1. Садйӧ ӧмидзла петам,
ми петам, ми петам.
Чӧскыд ӧмидз ми ӧктам,
ми ӧктам, ми ӧктам.
Припев.
Шондіа сад йӧрын югыд да лӧсьыд,
Ӧмидзлӧн тусьясыс юмов да чӧскыд.
2. Ӧмидз, ӧмидз, эн дзебсясь,
эн дзебсясь, эн дзебсясь.
Тэнӧ алӧйӧс аддзам,
ми аддзам, ми аддзам.
Припев.
3. Зіля чуманӧ лӧдам,
ми лӧдам, ми лӧдам.
Чӧскыд ӧмидз ми ӧктам,
ми ӧктам, ми ӧктам.
Припев.
4. Чӧскыд пирӧгтӧ сёйны,
да сёйны, да сёйны.
Ёртъяс, миянӧ волӧй,
да волӧй, да волӧй.
Припев.
бадь — ива
байдӧг — куропатка
бӧрдӧм шы — плач
ваяла — натаскаю
вурд — выдра
вурун — шерсть
гажъяв — радуйся
гылалӧ — падает
доддя — запряжка
жугыля — грустно
йирлан — грызёшь
коз лап — лапа ели
ковмас — придётся
коль — шишка
коньӧр — бедненькая
кор — лист дерева, листья
кӧлуй — вещи
кӧрт — железо
кыӧма — связана
кытчӧкӧ — куда-нибудь
лос(к) — сырой кочковатый луг
лудысь — на пастбище
некӧн — нигде
низь — соболь
нурбыльтіс — пробормотал
ӧшліс косьтыны — развесила сушить
петавтӧг — не выходя
пысавліс — нанизала
синва — слёзы
сэтысь — оттуда
топӧдліс — съёжил
тури — журавль
уль — сырые
чой — гора
чышкаліс — вытирала
шӧртысь — из пряжи
ылӧдз — далеко
эз усь шогӧ — избавлена от горя
яла — ягель
25–26.
Ведраын мый?
Кӧні чери?
Конверт пытшкын мый?
Кӧні открытка?
Ведраын чери.
Чериыс ведраын.
Конверт пытшкын открытка.
Открытка конверт пытшкын.
104 удж. Висьтав, мый овлӧ керка пытшкын.
* * *
— Бабушка, мы выйдем на улицу. Нам дома не сидится.
— Выходите. Но в снегу не валяйтесь.
— Ыджыд мам, ми петам ывлаӧ. Миянлы гортын оз пукавсьы.
— Петӧй. Но лымйын эн туплясьӧй.
105 удж. Лӧсьӧд куим сёрникузя.
Отсӧг: Миян Коля пытш кодь визув.
Менам
Тэнад
Сылӧн
пытш кодь визув.
КУТ ТӦД ВЫЛАД!
кӧні? пытшкын — внутри
кытчӧ? пытшкӧ — внутрь
кытысь? пытшкысь — из, из-под
вӧрын — в лесу
лым пиын — в снегу
му пытшкын — в земле
вӧрӧ — в лес
лым пиӧ — в снег
му пытшкӧ — в землю
вӧрысь — из леса
лым пиысь — из-под снега
му пытшкысь — из-под земли
106 удж. Лыддьы мойдсӧ.
ТШАКЪЯСЛӦН ЗЫК.
Зэра шоныд лунтӧ тшакыд радейтӧ. Му пытшкысь петісны еджыд гобъяс:
— Аттьӧ шоныд зэрыслы, отсаліс петны миянлы му пытшкысь.
Друг кодкӧ еджыд гоб пиысь горӧдіс:
— Видзӧдлӧй, кодкӧ мусӧ вӧрӧдӧ!
И небыд яла нитш пиысь петіс гӧрд гоб.
— А ті коді? — юаліс сійӧ.
— Ме — путник. А этайӧ — уртшак.
— А менӧ рыжик-пыжикӧн шуӧны.
Друг чилӧстіс виж гоб:
— Мыйла меным узьны онӧ лэдзӧй? Босьта да вӧтла татысь ставнытӧ!
— Зэв на ичӧт тэнад доныд, виж гоб, — шуис сылы еджыд гоб.
— Да менӧ быдӧн пуктас кӧрзинаас...
— Серамнымӧс эн петкӧдлы. Еджыд гобыд — медся мича да дона тшак!
— И ми, рыжикъяс, зэв мичаӧсь да чӧскыдӧсь. Сэки чилӧстіс гут кулан тшак: — Эм абу кодкӧ меысь мичаыс тані?!
Друг став тшакыс ланьтіс: налань матыстчисны кык детинка...
— Шурик, меным гӧрд гоб сюри.
— А ме куим еджыд гоб аддзи.
...Челядь вотісны уна тшак: еджыд, гӧрд да виж гоб, рыжик, путник, уртшак, масленик, ягсер. На пиысь кутшӧмсюрӧӧс косьтісны, кутшӧмсюрӧӧс солалісны. Сӧмын гут кулан тшак колисны вӧрӧ.
И. Коданёв серти.
107 удж. Лыддьы гораа колана ногӧн.
Тшакъяслӧн, зэра, му пытшкысь, еджыд гоб, видзӧдлӧй, яла нитш пиысь, ті, уртшак, онӧ лэдзӧй, серам, зэв, сэки, эм, тані, матыстчис, сюри, аддзи, кутшӧмсюрӧӧс.
108 удж. Комиӧд.
1. Грибы любят тёплые дождливые дни. 2. Из-под мягкого мха появился подосиновик. 3. Почему вы мне мешаете спать? 4. Дети собрали много грибов.
109 удж. Содты лӧсялана кыв.
1. Тшак петіс (кытысь?) ... .
2. Гӧрд гоб петіс (кытысь?) ... .
3. Ош олӧ (кӧні?) ... .
4. Пон пырӧ (кытчӧ?) ... .
Отсӧг: чомйӧ, му пытшкысь, нитш пиысь, вӧрын.
110 удж. Лыддьы кывпесансӧ.
«Китш, китш», — тшапа
Катша китшкӧ,
Нитшкысь нетшкӧ
Тшӧгӧм тшак.
Тшаклӧн тшыкӧма нин пытшкыс,
Тшыкӧм тшакыд век на тшап.
Н. Щукин.
111 удж. Вочавидз юалӧмъяс вылӧ.
1. Коді дзебсясьӧ сапӧг пытшкын?
2. Коді петӧ шкап пытшкысь?
3. Мый пуктӧ Таня портфеляс?
4. Мый босьтӧ Юра холодильникысь?
Сёрни артмӧ сёрникузяясысь. Сёрникузя артмӧ кывъясысь. Сёрни панӧны, кор колӧ мыйкӧ висьтавны либӧ юавны.
Бӧрйы лӧсялана кыв.
А: — Кытысь петіс тшак?
Б: — Му ... .
1. пытшкӧ
2. пытшкын
3. пытш
4. пытшкысь
Тӧдмав нӧдкывъяссӧ.
1. Ичӧтик-ичӧтик зонка му пытшкысь шляпа аддзис.
2. Вирич пытшкын быдмӧ-олӧ,
Кӧдзыдысь зэв ёна полӧ.
Быдмас — солав, дозйӧ тэч,
Тайӧ лоӧ ... .
Н. Щукин.
быдмас — вырастет
быдӧн — каждый
вотісны — собрали
вӧтла — прогоню
вирич — рассадник
гут кулан тшак — мухомор
дон — цена
зэра — дождливые
китшкӧ — стрекочет
колисны — оставили
косьтісны — высушили
кутшӧмсюрӧӧс — какие-то
ланьтіс — притихли
матыстчисны — приблизились
меысь — меня
мусӧ вӧрӧдӧ — прорывается из-под земли
налань — к ним
небыд — мягкий
нетшкӧ — выдёргивает
нитш — мох
онӧ лэдзӧй — не даёте
полӧ — боится
пытш — блоха
солалісны — посолили
серамнымӧс эн петкӧдлы — не смеши нас
тшапа — важно
тшыкӧма — испортилось
тэч — сложи
чилӧстіс — крикнул
27–28.
МАМ.
Урок дырйи велӧдысь шуис:
— Челядь, вайӧ серпасалӧй, коді мый кӧсйӧ да кужӧ. Серпасалӧй сійӧс, мый ті радейтанныд...
Петя серпасаліс танк (батьыс танкистӧн вӧлӧма), Вова — ошкӧс (пӧльыс моз жӧ, буракӧ, кыйсьысьӧн кӧсйӧ лоны), Вера — уна пӧлӧс дзоридз. Коля серпасаліс катер. Катя радейтӧ гортса пемӧсӧс. Сійӧ серпасаліс сера куканьӧс.
Сӧмын Ваня видзӧдӧ ӧшиньӧ.
— Ваня, мыйла нӧ нинӧм он серпасав?
Ваня босьтіс гӧрд карандаш да тшӧтш кутіс рисуйтчыны.
Урок помын видзӧдлісны, кодлӧн мый артмис. Петяӧс да Вераӧс велӧдысь ошкис:
— Зэв мича серпасныд!
Воваӧс да Коляӧс малыштіс юрӧдыс:
— Оз ков тэрмасьны.
Велӧдысь матыстчис Ваня дорӧ, видзӧдліс сы альбомӧ, сэсся Ваня вылӧ. Ваня гӧрдӧдіс пель йылӧдзыс, юрсӧ копыртіс. Велӧдысь босьтіс альбомсӧ да петкӧдліс челядьлы. Сэні гырыся да мичаа вӧлі гижӧма: «МАМ».
— Зэв бур, Ваня... Молодеч, — шуис велӧдысь.
Ан. Тарабукин.
112 удж. Лыддьы гораа колана ногӧн.
Велӧдысь, батьыс, кыйсьысьӧн, дзоридзьяс, видзӧдӧ, босьтіс, тшӧтш, тэрмасьны, матыстчис, пель йылӧдзыс, гырыся.
113 удж. Комиӧд.
1. Петя нарисовал танк. 2. Вова хочет быть охотником. 3. Катя любит домашних животных. 4. Ваня смотрит в окно. 5. Почему ты ничего не рисуешь?
Ме радейта ... .
Ме аддза ... .
КОДӦС?
МАМ
ВОК
ПӦЧ
ШЫР
-ӦС
Ме лыддя ... .
МЫЙ?
ВИСЬТ
КЫВБУР
КЫВПЕСАН
НӦДКЫВ
Мый лыддьӧ Коля?
Коля лыддьӧ
«Йӧлӧга» газет
«Би кинь» журнал
письмӧ
небӧг
Кодӧс кывзӧ Сеня?
Сеня кывзӧ ... .
114 удж. Содты лӧсялана кывъяс.
1. Ме серпасала (кодӧс?) ... .
2. Тэ радейтан (кодӧс?) ... .
3. Надя аддзӧ (кодӧс?) ... .
4. Мам вердӧ (кодӧс?) ... .
115 удж. Висьтав, кодӧс тэ аддзан серпассьыс.
Отсӧг: Серпассьыс ме аддза урӧс.
116 удж. Содты колана кыв.
1. Велӧдысь лыддьӧ (мый?) ... .
2. Нывка кывзӧ ... .
3. Ыджыд мам кыӧ ... .
4. Внучка серпасалӧ ... .
5. Мам вурӧ ... .
6. Таня вотӧ ... .
7. Женя чукӧртӧ ... .
8. Вӧрын быдмӧ ... .
* * *
— Привет! Кого ты здесь ждёшь?
— Сестру. Она навещала бабушку в Ибе. А ты тоже кого-то ждёшь?
— Да. Папу жду. Он зашёл на вокзал за билетами. Мы едем в Усть-Кулом.
— Смотри! Ваш автобус вот-вот тронется!
— Папа, быстрее иди! Где ты был так долго?!
— Чолӧм! Кодӧс нӧ тэ виччысян тані?
— Чойӧс. Сійӧ Ыбӧ кайис бабсӧ видлыны. А тэ кодӧскӧ виччысян жӧ?
— Да. Батьӧс виччыся. Сійӧ пырис вокзалӧ билетла. Ми Кулӧмдінӧ мӧдім.
— Видзӧд! Тіян автобусыд со вӧрзьӧ нин.
— Батьӧ, ӧдйӧджык лок! Кытчӧ нӧ вошлін?!
117 удж. Лыддьы кывбурсӧ.
УДЖАЧ ЗИНА.
Миян Зина босьтіс рос,
Чышкис джодж да зыртіс пос,
Мыськис тасьті, мыськис пань,
Сэсся муніс ньӧбны нянь.
Мунӧ Зина, ичӧт ныв.
Сылы радлӧ ывла выв.
— Видзӧд, видзӧд! — гӧгӧр кыліс. —
Быдмӧма нин тайӧ нылыс.
Киас сумка кутӧ Зина.
Зина мунӧ магазинӧ.
Магазиныс матын,
Вузасьысьыс татӧн.
— Мый тэд колӧ?
— Сакар-чай.
— Пӧжалуйста, пӧлучай.
Ньӧб тшӧтш нӧк да рысь.
— Деньгаыс нӧ кысь?
— Сідзкӧ, талун пом,
Магазин тім-том.
Ю. Васютов серти.
Вочавидз юалӧмъяс вылӧ:
1. Мый вӧчис гортас Зина?
2. Мый сійӧ ньӧбис магазинысь?
118 удж. Корсь пӧвсӧ.
Ме пасьтала
Ичӧт Витя чышкӧ
Пӧчӧ пуӧ чӧскыд
Пӧльӧ лыддьӧ
Бать вӧчӧ
джадж.
шыд.
джодж.
дӧрӧм.
мойд.
119 удж. Содты кольӧм кывсӧ.
Катша-катша, китш-котш.
Тури помечӧ корӧ,
Вурдысь (мый?) пӧрӧдӧ,
Кӧин (мый?) кыскалӧ,
Ош (мый?) лэптӧ,
Сизь (мый?) писькӧдӧ,
Руч (мый?) кыӧ,
Ур (мый?) видзӧ,
Кӧч (мый?) пӧжалӧ.
Фольклорысь.
120 удж. Ворсыштам.
Ошкӧ бабӧ, ошкӧ бабӧ,
Чӧдтӧ вотам, пувтӧ ӧктам,
Бур вотӧссӧ босьтам,
Лёк вотӧссӧ чӧвтам.
Ю. Рочев.
Кор сёрникузяын мый йылысь кӧ юӧртӧма, помас сувтӧд чут (.).
Кор сёрникузяын мыйкӧ юавсьӧ, помас сувтӧд юалан пас (?).
Кор сёрникузясӧ колӧ шуны (лыддьыны) ыджыд гӧлӧсӧн, помас сувтӧд горӧдан пас (!).
121 удж. Лыддьы гӧлӧстӧ вежлалӧмӧн.
1. Сёрнитам комиӧн. Сёрнитам комиӧн? Сёрнитам комиӧн!
2. Саша ворсӧ аканьӧн. Саша ворсӧ аканьӧн? Саша ворсӧ аканьӧн!
3. Мам ньӧбис Машалы гач. Мам ньӧбис Машалы гач? Мам ньӧбис Машалы гач!
Бӧрйы лӧсялана кыв.
А: — Тӧрыт ме вӧрысь аддзылі ... .
Б: — Збыльысь?!
1. кӧчлӧн
2. кӧчӧн
3. кӧчлы
4. кӧчӧс
Тӧдмав ребуссӧ да висьтав, мый вотіс гожӧмнас Таня.
ПОМ
быдмӧма — выросла
вӧлӧма — был
вузасьысь — продавец
вурӧ — шьёт
гӧгӧр — вокруг
гӧрдӧдіс — покраснел
гырыся гижӧма — крупными буквами
збыльысь — в самом деле
кысь — откуда
копыртіс — опустил
кужӧ — умеет
кукань — телёнок
кывзӧ — слушает
кыйсьысьӧн — охотником
малыштіс — погладила
матыстчис — подошла
нӧк — сметана
ньӧбны — купить
оз ков — не нужно
ошкис — похвалила
радейтанныд — любите
рос — метла
сера — пятнистый
сэсся — потом
татӧн — здесь
тӧрыт — вчера
тэрмасьны — спешить
чӧвтам — не берём
чукӧртӧ — собирает
29–30.
МЕДБУР ОЛӦМ — ЧУЖАН МУЫН.
Финн мойд.
Арнас тури лӧсьӧдчис лэбны лунвылӧ. Сійӧ корис дозмӧрӧс:
— Вай лэбам тшӧтш. Ми, ыджыд лэбачьяс, лэбам водзын. Мукӧд лэбачыс — миян бӧрын.
— Меным дзик ӧткодь: сэні кӧть тані. Сёянӧй менам ньыв лыс.
И дозмӧр кӧсйысис лэбны лунвылӧ. Лэбисны тури да дозмӧр юяс, муяс весьтӧд.
Аддзӧны — водзын паськыд саридз. Лыска вӧр некӧн оз тыдав. Гӧгӧр ва да лӧз енэж. Лэбачьяс пуксисны саридз дорӧ шойччыны. Дозмӧр шуӧ:
— Лыс ем сёя, лым пиын узьла, но кольчча аслам чужан муӧ. Ог лэб саридз сайӧ.
— А меным колӧ лэбны. Лэбачьяслы туй петкӧдлыны шоныд муясӧ. А то найӧ кулаласны тані, кӧдзыд му вылын.
Тури лэбис водзӧ. Босьтіс мыш вылас джыджъясӧс да мукӧд посни лэбачӧс, ӧд найӧ вӧлі мудзӧмаӧсь да эз вермыны лэбны водзӧ.
А дозмӧр бергӧдчис войвылӧ, лыска вӧрӧ.
Комиӧдіс А. Туркин.
122 удж. Лыддьы гораа колана ногӧн.
Лӧсьӧдчис, лэбны, сійӧ, тшӧтш, ыджыд, лэбачьяс, дзик, ӧткодь, сэні, сёянӧй, ньыв, мӧдӧдчис, лэбисны, весьтӧд, аддзӧны, водзын, паськыд, саридз, шойччыны, сёя, кольчча, джыджъясӧс, мудзӧмаӧсь, бергӧдчис.
123 удж. Комиӧд.
1. Осенью журавль собрался лететь на юг. 2. Увидели впереди широкое море. 3. Птицы сели возле моря отдохнуть. 4. Я останусь на своей родной земле.
* * *
— Куда ты бежишь?
— В детсад за младшей сестрой.
— У меня тоже есть младший брат. Но он недавно родился. Старшая сестра его нянчит. Я спешу домой, ей нужно помогать.
— Каждая птица в своё гнездо летит.
— Кытчӧ нӧ тэ котӧртан?
— Детсадйӧ ичӧтджык чойла.
— Менам эм жӧ ичӧтджык вок. Но сійӧ пузчужӧм кага на. Ыджыдджык чойӧй сійӧс видзӧ. Ме гортӧ тэрмася, сылы отсасьны колӧ.
— Быд пӧтка аслас позйӧ лэбӧ.
ён — сильный
ёнджык — сильнее
медъён — сильнее всех
медся ён — самый сильный
ыджыд — ыджыдджык — медыджыд (медся ыджыд)
тэрыб — тэрыбджык — медтэрыб (медся тэрыб)
сюсь — сюсьджык — медсюсь (медся сюсь)
124 удж. Артмӧд выль кывъяс.
Отсӧг: мича — мичаджык, медмича.
бур ... , ...
ичӧт — ... , ...
муса — ... , ...
шань — ... , ...
Лӧсьӧд вит сёрникузя.
Велӧд паныд вежӧртаса кывъяс.
мичаджык — мисьтӧмджык
кызджык — вӧсньыдджык
ӧдйӧджык — надзӧнджык
томджык — пӧрысьджык
важджык — выльджык
125 удж. Артмӧд паныд вежӧртаса кывъяс.
шоныдджык — ...
ичӧтджык — ...
дженьыдджык — ...
126 удж. Висьтав, кыдзи лэбӧны.
дзодзӧгъяс
турияс
Отсӧг: лёддзӧн, ныра кельӧбӧн.
Комиӧд.
Гусь большой, журавль больше, лебедь самый большой.
Тӧдан-ӧ тэ?
Став лэбачсьыс медӧдйӧ лэбӧны дзодзӧгъяс. Часӧн найӧ лэбӧны 88 километр.
127 удж. Лыддьы кывбурсӧ.
АДДЗЫСЬЛЫТӦДЗ, ЛЭБАЧЬЯС.
Тэрмасьӧны лэбачьяс,
Мыйӧн воас ар.
— Кытчӧ найӧ лэбӧны?
— Во чӧж кӧні жар.
— Лэбӧй лючки-бура,
Дзодзӧг, юсь да тури!
А. Ванеев.
Корсь торъя кывъяс. Кутшӧм кыв оз лӧсяв?
Катшагулюджыджтурипувсизьжонькӧксюзьдозмӧрюсьбайдӧгчикышсырчиктарсьӧлапыстарака
128 удж. Лыддьы кывбурсӧ.
Тури-туриӧй, кузь кок,
Му кытшовтін гӧгӧрбок.
Мудзис кокыд, мудзис борд.
Пуксьыв татчӧ, муса ёрт!
Висьтав меным тэ, бур ань,
Кытӧн олӧм медся шань?
Лэбигмозыс тури шуӧ:
«Медбур олӧм — аслам муын!»
Илля Вась.
Тӧдмав ребуссӧ.
129 удж. Лыддьы кывбурсӧ да вочавидз юалӧм вылӧ.
Гыбад нюрӧд собалім,
Ӧктім турипув.
Гортын тшӧктам мамӧлы:
«Шома кисель пу».
Нюрысь петім радлігтыр,
Енэж — мича, лӧз.
Мыйла тадзи вотӧссӧ
Шулӧмаӧсь йӧз?
З. Шиликова.
130 удж. Велӧд шусьӧгсӧ.
Коз пу йылысь туриӧс висьталӧ.
131 удж. Содты колана кыв.
Отсӧг: Пон — кыйсьысьлӧн медбур ёрт.
1. Июль — мед... кад. 2. Ош — мед... вӧрса пемӧс. 3. Декабрын мед... вой. 4. Январ — мед... тӧлысь. 5. Печора — Коми Республикаын мед... ю.
Отсӧг: шоныд, ыджыд, пемыд, кӧдзыд, кузь.
132 удж. Лӧсьӧд сетӧм кывъясысь нёль сёрникузя.
1. лунвылӧ, лӧсьӧдчӧны, лэбачьяс, лэбны
2. дзодзӧгъяс, мӧдӧдчӧны, турияс, да
3. нин, чикышъяс, лэбисны, сырчикъяс
4. байдӧгъяс, тӧвйыны, сьӧлаяс, кольччисны, таръяс
133 удж. Лӧсьӧд кывбурсӧ стӧча.
Турипувйыс — оз босьт син.
Тапикасис тури,
Сійӧ таво Ыджыд нюрын
Тэчис, тэчис витамин.
А. Мишарина.
Бӧрйы лӧсялана кыв.
А: — Миян классын ... велӧдчысьыс — Ваньӧ Сизев.
Б: — А миянын — Васьӧ Пыстин.
1. медбур
2. медлӧсьыд
3. медтом
4. медкокньыд
Тӧдмав нӧдкывсӧ.
Нырыс кузь дай кокыс кузь,
Сувтас вутш бердӧ и узьӧ.
Веськодь сылы — ва кӧ нюрыс,
Коми ногӧн сійӧ — ... .
Н. Щукин серти.
Воча кывсӧ корсь 124 лист бокысь.
бергӧдчис — вернулся
борд — крыло, крылья
веськодь — безразлично
весьтӧд — над
водзын — впереди
войвылӧ — на север
во чӧж — круглый год
вутш бердӧ — около кочки
гыбад — топь, трясина
дзодзӧг — гусь
дозмӧр — глухарка
кольчча — останусь
кӧ — если
кӧсйысис — обещал, согласился
кулаласны — вымрут
кытшовтін — облетел
лёддзӧн — вереницей
лӧсьӧдчис — собрался
лунвылӧ — на юг
лэбигмозыс — летя
миян бӧрын — после нас
меным дзик ӧткодь — мне всё равно мудзӧмаӧсь — уставшие
мудзис — устали
мыш вылас — на спину
некӧн — нигде
ныра кельӧбӧн — клином
ньыв лыс — пихтовая хвоя
оз тыдав — не виден
олӧм — жизнь
паськыд — широкое
сайӧ — за
саридз — море
сёя — буду есть
собалім — бродили
сьӧла — рябчик
тар — тетерев
тӧвйыны — зимовать
туй — дорога
турипув — клюква
тшӧктам — попросим
тэрмасьӧны — спешат
тэчис — собирал
узьла — буду спать
чикыш — стриж
шойччыны — отдохнуть
шома — кислый
шулӧмаӧсь — назвали
эз вермыны — не могли
юсь — лебедь
31–33.
КАТША РӦМПӦШТАН.
Мойд.
Катша вӧрын оліс, а сёйнысӧ сиктӧ волывліс. И быдторсӧ ваяліс сэтысь: то кизь, то чашка тор, то кампет кыш.
Ӧтчыд Кӧч аддзис Катшаӧс мыр вылысь.
— Кытчӧ, кытчӧ? — юаліс Катша.
— Сідзи.
— А менам со мый эм!
— Мый нӧ тайӧ тэнад? — юаліс Кӧч.
— Рӧмпӧштан! Ачыд асьтӧ аддзан!
— Ноко?
— Со, колӧкӧ! — вешйыштіс Катша.
— Вай вежсям! — корис Кӧч.
— Мый вылӧ? Мый тэнад эм? — чиктыліс Катша.
— Менам? Ме тэныд оз вота!
— Но, видзӧдлам.
Кӧч вотіс оз да вайис Катшалы.
Катша кокаліс ставсӧ да шуис:
— Мун, эг и пӧтлы!
— Либӧ шыранькытш вота? — няргыштіс Кӧч.
— Вот! — чиктыліс Катша.
Кӧч нетшкис шыранькытш да вайис Катшалы. Катша кокаліс ставсӧ да шуис:
— Мун! Веж на тэнад шыранькытшыд!
— А ставсӧ кокалін да? — чуймис Кӧч.
— Мед! А сьӧлӧмӧй эз и бурмы.
— Кутшӧм сюсь! Мырддя кӧ эськӧ рӧмпӧштантӧ!
— Кыськӧ тай! — дзерӧдіс Катша да лэбзис рӧмпӧштаннас коз пу йылӧ.
Г. Юшков серти.
134 удж. Лыддьы гораа колана ногӧн.
Катша, сёйнысӧ, сэтысь, кизь, аддзис, вылысь, кытчӧ, сідзи, асьтӧ, аддзан, вежсям, видзӧдлам, шыранькытш, нетшкис, сьӧлӧмӧй, сюсь, мырддя, эськӧ, кыськӧ, дзерӧдіс.
135 удж. Комиӧд.
1. Сорока жила в лесу. 2. Что это у тебя? 3. Давай поменяемся! 4. Какой хитрый! 5. Сорока взлетела на ель.
* * *
— Что ты делал вчера вечером?
— Смотрел телевизор.
— А я читала журнал «Искорка».
— Я гулял и делал уроки.
— Юра, ты смотрел телепередачу «Радуга?»
— Не смотрел. Некогда было. Помогал бабушке с дедушкой.
— Без труда не вытащишь и рыбку из пруда.
— Мый тэ вӧчин тӧрыт рытнас?
— Телевизор видзӧді.
— А ме лыдди «Би кинь» журнал.
— Ме гуляйті да вӧчи гортса удж.
— Юра, а тэ видзӧдін «Ӧшкамӧшка» телепередача?
— Эг видзӧд. Эг эшты. Пӧч-пӧльлы отсаси.
— Коктӧ кӧ кӧтӧдан, и чуньтӧ нюлыштан.
ТӦРЫТ — ВЧЕРА
ме висьталі
ме пасьтаси
ми висьталім
ми пасьтасим
тэ висьталін
тэ пасьтасин
ті висьталінныд
ті пасьтасинныд
сійӧ висьталіс
сійӧ пасьтасис
найӧ висьталісны
найӧ пасьтасисны
136 удж. Содты лӧсялана кывъяс.
Отсӧг: Ме муні.
Тэ мунін.
Ме мысси.
Тэ ... .
Тэ восьтін.
Ме... .
Тэ гижин.
Ме ... .
Ме сеті.
Тэ ... .
Ме петі.
Тэ ... .
Тэ пуксин.
Ме ... .
137 удж. Лӧсьӧд серпасъяс серти «Шойччан лунӧ» висьт.
Заводит тадзи: Шойччан лунӧ Сандра садьмис, вӧчис зарядка... .
138 удж. Юась ёртыдлысь.
1. Мый тэ вӧчин шойччан лунӧ?
2. Мый тэ вӧчин тӧрыт?
3. Мый тэ вӧчин гожӧмнас?
Велӧд паныд вежӧртаса кывъяс.
кайис — поднялся
лэччис — спустился
вайис — принёс
нуис — отнёс
139 удж. Корсь пӧвсӧ.
петіс
пасьталіс
восьтіс
сетіс
пуксис
пӧрччис
босьтіс
пырис
чеччис
пӧдлаліс
140 удж. Лыддьы да висьтав мойд нимсӧ. Помав.
Пӧльӧлӧн да пӧчӧлӧн
Сера чипан вӧлі,
Зарни кольк вайис,
Пызан помас пуктіс.
Шыр сэті котӧртіс,
Бӧжнас тай ӧвтыштіс,
Нырнас тай тувкнитіс.
Колькйыд усис дай жугаліс.
Фольклорысь.
Корсь мойдысь мый вӧчис? юалӧм вылӧ кывъяс.
Отсӧг: вайис, ... .
141 удж. Содты колана кывъяс.
Ме ... да ... ывлаӧ.
Тэ ... да ... .
Сійӧ ... да ... .
Ми ... да ... .
Ті ... да ... .
Найӧ ... да ... .
кӧмасис
кӧмасисны
кӧмаси
кӧмасинныд
кӧмасим
кӧмасин
котӧртім
котӧрті
котӧртінныд
котӧртісны
котӧртін
котӧртіс
142 удж. Содтав чут пыдди і либӧ и шыпас.
Пет.с, локт.с, гиж.с, рисуйт.с, мысс.с, сынас.с, весал.с, чышк.с, котӧрт.с, сулал.с, вай.с.
143 удж. Лыддьы кывбурсӧ.
Рӧдтім-гӧнитім,
Тшынмунім да бусмунім,
Дедыс-бабыс ордӧ воим.
— Дедӧ-бабӧ, звӧзсӧ восьт!
Дедыс-бабыс петісны,
Звӧзсӧ дзум-дзам восьтісны.
Грым-грам кайим,
Пос тшупӧдыс чегис,
Емва гуӧ тюп-тёп.
Дедыс-бабыс лэччисны,
Сойбордйӧдыс кутісны да
Керкаас пыртӧдісны,
Пызан сайӧ пуксьӧдісны да
Чӧскыд кӧлачӧн вердісны,
Юмов чайӧн юктӧдісны,
Виж крӧватьӧ водтӧдісны,
Гӧрд шебрасӧн шебралісны:
— Узь жӧ, узь тэ, муса пи,
Дедтӧ-бабтӧ эн вунӧд.
Фольклорысь.
Кыв позьӧ вуджӧдны визьысь визьӧ слогъясӧн. Слогын век эм гласнӧй шы.
Оз позь кольны гижан визь помӧ ӧти шыпаса слог и оз позь мӧд визьӧ вуджӧдны шыпас.
144 удж. Гиж «Рӧдтім-гӧнитім» кывбурысь кывъяс куим столбикӧ. Кывсӧ юклы слогъяс вылӧ.
Отсӧг: 1 слога
да
...
2 слога
во-им
...
3 слога
ска-чи-тім
...
Велӧд сьыланкывсӧ.
— Бобӧ, бобӧ, кытчӧ ветлін?
— Чожӧ гуӧ ветлі.
— Бобӧ, бобӧ, мый нӧ вайин?
— Выя нянь вайи.
— Бобӧ, бобӧ, кытчӧ пуктін?
— Джек помӧ пукті.
— Бобӧ, бобӧ, абу тай нӧ.
— Сьӧд пон тай сёйӧма...
Фольклорысь.
Бӧрйы лӧсялана кыв.
А: — Оньӧ, кытчӧ тэ ... ?
Б: — Лавкаӧ няньла.
1. ветлінныд
2. ветлісны
3. ветліс
4. ветлін
Тӧдмав ребуссӧ.
Тӧдмав нӧдкывсӧ.
Еджыд гулю керкаӧ пырис, свет вывсьыс мый аддзыліс, ставсӧ висьталіс.
ачыд асьтӧ — сам себя
быдторсӧ — всякое
веж — зелёный
вежсям — поменяемся
вешйыштіс — подвинулась
водтӧдісны — уложили
гу — яма
дай — и
джек — чурбан
дзерӧдіс — передразнила
жугаліс — разбилось
заводит — начни
звӧз восьтісны — открыли наружную дверь сеновала
кампет кыш — обёртка конфеты
кизь — пуговица
кокаліс — поклевала
кольӧм — пропущенную
корис — попросил
кӧмасис — обулся
лэччисны — спустились
мед — пусть
на — ещё
нетшкис — нарвал
няргыштіс — похныкал
оз — земляника
ордӧ — к
ӧвтыштіс — махнула
ӧтчыд — однажды
пос тшупӧд — лестничная ступенька
пӧдлаліс — закрыл
пӧрччис — снял
рӧдтім-гӧнитім, тшынмунім, бусмунім — мчались вихрем
рӧмпӧштан — зеркало
садьмис — проснулась
сера — рябая
содты — добавь
сойбордйӧд — под руку
сюсь — хитрый
сьӧлӧмӧй эз бурмы — не отвёл душу
тувкнитіс — ткнула
чашка тор — осколок чашки
чегис — сломалась
чиктыліс — обрадовалась
чож — дядя (брат матери)
чуймис — удивился
шебрас — одеяло
шойччан лун — выходной
шыранькытш — мышиный горошек
шебралісны — укрыли
эг пӧтлы — не наелся
34–36.
КАТША РӦМПӦШТАН.
Мойд (пом).
Аскинас Кӧч вотіс оз да шыранькытш. Локтіс коз пу улӧ, кӧні оліс Катша. Кутіс ачыс чӧсмасьны. Катша лэччис коз пу вылысь да пуксис Кӧчлы воча. А Кӧч быттьӧкӧ оз аддзы сійӧс.
— А мый нӧ, оз нин ков рӧмпӧштаныд? — юаліс Катша.
— Оз.
— Ньӧти оз ков?
— Ньӧти оз.
— Дзик ньӧти оз ков?
— Дзик ньӧти.
Катша жбыркнитліс коз пу вылӧ да вайис рӧмпӧштансӧ, пуктіс Кӧчлы ныр улас да юаліс:
— Он и видзӧдлы?
— Ог.
— Он вежсьы ни?
— ... Ме ог тӧд.
— Он босьт весиг?
— Но, гашкӧ ... — Кӧч тувччис табъя кокнас рӧмпӧштан вылӧ, мед нин сылӧн лоӧ.
Г. Юшков.
145 удж. Лыддьы гораа колана ногӧн.
Шыранькытш, чӧсмасьны, пуысь, быттьӧкӧ, ньӧти, вежсьы, босьт.
146 удж. Комиӧд.
1. Заяц собрал землянику и мышиный горошек. 2. Сорока спустилась с ели. 3. Она взлетела на ель и принесла зеркало.
* * *
— Давай поиграем в «Воробья».
— Нет.
— А, может, в «Медведя»?
— Не хочу.
— Ну тогда в «Мышь и угол»?
— Тоже не буду играть.
— Почему?
— Сперва нужно сосчитаться.
Тірс, торс,
Куим стӧкан морс.
— Вай ворсыштам «Пышкайысь».
— Ог.
— А, гашкӧ, «Ошкысь»?
— Ог кӧсйы.
— Но, сідзкӧ, «Шырӧн-пельӧсӧн»?
— Ог жӧ ворс.
— Мыйла нӧ эськӧ?
— Медводз колӧ пудъясьны.
Он кӧ вӧдит,
Он и ворс.
Фольклорысь.
Ӧ Н I
ме ог тӧд
тэ он тӧд
сійӧ оз тӧд
ми огӧ тӧдӧй
ті онӧ тӧдӧй
найӧ оз тӧдны
ЭН ВУНӦД!
комиӧн
ог, он, оз, огӧ, онӧ
рочӧн
не
147 удж. Вочавидз юалӧмъяс вылӧ ог кывйӧн.
Отсӧг: — Тэ мунан талун театрӧ?
— Ме талун театрӧ ог мун.
1. Тэ пукалан детинкакӧд?
2. Тэ отсасян мамыдлы?
3. Тэ асывнас мыссян?
4. Тэ рытнас видзӧдан телевизор?
5. Тэ радейтан мойдъяс?
148 удж. Содты кольӧм кывъяс.
Отсӧг: Ме ог мун. Тэ он мун. Сійӧ оз мун.
Ме ... сет.
Тэ ... сет.
Сійӧ ... сет.
Тэ ... пет.
Сійӧ ... ... .
Ме ... ... .
Тэ ... ну.
Ме ... ну.
Сійӧ ... ну.
Сійӧ ... вай.
Тэ ... ... .
Ме ... ... .
Сійӧ ... пыр.
Ме ... пыр.
Тэ ... пыр.
Ме ... босьт.
Сійӧ ... ... .
Тэ ... ... .
149 удж. Комиӧд шусьӧгсӧ.
Кто не работает, тот не ест.
150 удж. Лыддьы кывбурсӧ.
СЮЗЬ ДА СИЗЬ.
Кодкӧ торкис
Унсӧ сюзьлысь,
Садьмис сюзь —
Оз вермы узьны.
Пожӧм пуӧ —
«Дізь» да «дізь»!
Дізьгӧ коді?
Тайӧ сизь.
Шуӧ сюзьлы
Лэбач сизь:
«Дона сюзьӧ,
Он-ӧ вись?
Мыйла узян
Лун шӧр лунӧ?
Вай жӧ чеччы,
Ворсны мунам!»
Но оз кӧсйы
Ворсны сюзь:
«Ме на пу йылысь
Эг усь!
Ворсан ёрттӧ
Мӧдӧс корсь,
Лун шӧр лунӧ
Сюзь оз ворс!»
П. Бушенёв.
Висьтав кывбурысь ь (небыд паса) кывъяс.
Кыв помын да кыв шӧрын д’, з’, л’, н’, с’, т’ небыд парнӧй согласнӧйяс бӧрын гиж ь (небыд пас): дадь, кольк, нянь.
151 удж. Велӧд лыддьӧдланкыв.
Тыртӧм-быртӧм
Тасьті оз.
Гӧбӧч вылын
Рака поз.
Куим каньысь
Шыр оз пов.
Он кӧ эскы,
Оз и ков.
Г. Юшков.
оз — земляника
оз — не
* * *
Первой классын на велӧдчысь Юра шуис ыджыд мамыслы:
— Миян велӧдысьным нинӧм оз тӧд!
— Чӧв! Кыдзи нӧ лысьтан татшӧмтор шуны?
— Мыйла нӧ, сідзкӧ, пыр миянлысь юасьӧ? Ми ӧд нинӧм жӧ ог тӧдӧй.
В. Кушманов.
152 удж. Рочӧд.
КӦЗА ОЗ МУН ТУСЬЛА.
— Кӧзаӧй, кӧзаӧй,
Ме тэнӧ ыста тусьла.
Кӧза оз мун тусьла.
— Кӧин жӧ, кӧинӧ,
Ме тэнӧ ыста кӧза сёйны.
Кӧин оз мун кӧза сёйны,
Кӧза оз мун тусьла.
— Мортӧ жӧ, мортӧ,
Ме тэнӧ ыста кӧин кыйны.
Морт оз мун кӧин кыйны,
Кӧин оз мун кӧза сёйны,
Кӧза оз мун тусьла.
Фольклорысь.
Бӧрйы лӧсялана кыв.
А: — Кытчӧ тэ талун рытнас ветлан?
Б: — ... на тӧд.
1. ог
2. он
3. оз
4. огӧ
Тӧдмав нӧдкывъяссӧ.
1. Уджала ме лун и вой,
Кӧть ог юлы ни ог сёй.
Кор тэд ковмас тӧдны кад,
Висьтавны ме вывті рад.
2. Век вомад, а он ньылышт.
3. Биын оз сотчы,
ваын оз вӧй.
аскинас — на завтра
би — огонь
быртӧм — неиссякаемая
быттьӧкӧ — кан будто
весиг — даже
вом — рот
воча — напротив
вывті — очень
дізьгӧ — стучит
жбыркнитіс — вспорхнула
ковмас — понадобится
кӧин — волк
лысьтан — смеешь
морт — человек
ни — даже
оз сотчы — не горит
оз вӧй — не тонет
он вежсьы — не поменяешься
он ньылышт — не проглотишь
он эскы — не веришь
поз — гнездо
сизь — дятел
сюзь — сова
татшӧмтор — такое
торкис — нарушил
тувччис — положил лапу
тыртӧм — пустая
тусь — ягоды
ун — сон
чӧсмасьны — лакомиться
ыста — посылаю
37–39.
НЯНЬ.
— Талун миян велӧдысь висьталіс нянь йылысь. Няньтӧ пӧ оз позь шыблавны. Тэ, Агния баб, няньтӧ эн шыблав, — велӧдӧ пӧчсӧ Аннуш. — Сійӧс зэв пӧ сьӧкыд быдтынысӧ.
— Ок тэ, шӧвктуг, да менӧ ӧмӧй колӧ велӧдны няньтӧ видзны? Ме ӧд сійӧс ас киӧн быдтывлі. Вундігад вӧлі быд шепла копыртчывлам. Кӧдзам, быдтам, а сёйныс вӧлі аслыным оз тырмы.
Кысуклӧн сёян дозйын вӧлі куим нянь тор. Кык торсӧ Кысук нюм-нямвӧчис, а коймӧдсӧ эновтіс. Вешйис бокӧ, пуксис да мӧдіс нювсьыны-мыссьыны. Аннуш уськӧдчис сы дорӧ:
— Кысук, сёй, оз позь няньсӧ шыблавны.
Кань мыссис, быттьӧкӧ оз и кыв нывлысь шуӧмсӧ.
— Кодлы шуи, сёй нянь торсӧ.
Кысук весиг пельсӧ оз вӧрзьӧд.
— Мый сійӧ оз сёй няньсӧ? Мыйла оз кывзысь? — бӧрддзис Аннуш. — Миян велӧдысь шуис, ставлы пӧ висьталӧй, мед некод нянь оз шыблав.
— Да энлы, Аннуш, бӧрд. Каньыд ӧд оз быдтор гӧгӧрво, — лӧньӧдіс нывкаӧс пӧчыс. — Мед оз кӧ сёй. Оз на шыбитчы ӧти нянь торйыд. Петкӧд пос помӧ гулюяслы.
— Петкӧда либӧ, — шуис Аннуш.
Е. Козлова серти.
153 удж. Лыддьы гораа колана ногӧн.
Няньтор, висьталіс, велӧдысь, йылысь, оз позь, сьӧкыд, нювсьыны-мыссьыны, уськӧдчис, няньсӧ, быттьӧкӧ, пельсӧ, оз вӧрзьӧд, оз кывзысь, каньыд, лӧньӧдіс.
154 удж. Комиӧд.
1. Сегодня наша учительница рассказала о хлебе. 2. Хлеб нельзя выбрасывать. 3. Почему она не ест хлеб? 4. Не плачь, Аннуш. 5. Вынеси на крыльцо голубям.
* * *
ЭН ПӦРЪЯСЬ.
— Вася, Вася, не обманывай.
— Нет. Дед мой с длинной бородой, с длинной бородой.
— Вася, Вася, не обманывай.
— Нет. Моя бабушка была шестипалая, шестипалая.
— Вася, Вася, не обманывай.
— Нет. Моя мама очень красивая, очень красивая.
— Вася, Вася, не обманывай.
— Нет. Мой папа — лесоруб, лесоруб.
— Вася, Вася, не обманывай.
— Нет. Сестра моя очень бойкая, очень бойкая.
— Вася, Вася, не обманывай.
— Нет. Мама дала орешки, орешки.
— Вася, Вася, поделись со мной, поделись со мной.
— Уже нет, всё съел.
— Вась, Вась, эн пӧръясь.
— Ог. Пӧльӧй менам кузь тошка, кузь тошка.
— Вась, Вась, эн пӧръясь.
— Ог. Пӧчӧй вӧлі квайт чуня, квайт чуня.
— Вась, Вась, эн пӧръясь.
— Ог. Мамӧй менам зэв мича, зэв мича.
— Вась, Вась, эн пӧръясь.
— Ог. Батьӧй менам вӧр лэдзысь, вӧр лэдзысь.
— Вась, Вась, эн пӧръясь.
— Ог. Чойӧй менам зэв востер, зэв востер.
— Вась, Вась, эн пӧръясь.
— Ог. Мамӧ сетіс ӧрешки, ӧрешки.
— Вась, Вась, мем юкышт, мем юкышт.
— Абу нин, ставсӧ сёйи.
Сӧлӧ баб.
155 удж. Лӧсьӧд соссяна сёрникузя оз кывйӧн.
Отсӧг: — Тӧлын гылалӧ кор.
— Тӧлын кор оз гылав.
1. Ур лэбалӧ енэжын.
2. Шыр пукалӧ зептын.
3. Кӧч куталӧ кӧинӧс.
4. Луннас челядь узьӧны классын.
5. Войнас нывка котралӧ ывлаын.
* * *
УНА НОГ.
Миян Таня уна ног
Кужӧ шуны «ог».
А кор колӧ шуны «да»,
Артмӧ сэтшӧм сьӧкыда.
Г. Юшков.
156 удж. Лӧсьӧд эскӧдана сёрникузя.
Отсӧг: — Мам оз радейт челядьӧс.
— Мам радейтӧ челядьӧс.
1. Велӧдчысь оз тӧд шыпасъяс. 2. Мӧс оз сет йӧв. 3. Тури арнас оз лэб лунвылӧ. 4. Асывнас оз ков мыссьыны. 5. Ыджыд мамыдлы оз ков отсасьны. 6. Гортса уджтӧ оз ков вӧчны.
157 удж. Содты «ыджыдджык» либӧ «ичӧтджык» кыв.
Отсӧг: Кӧч ичӧтджык ручысь.
1. Чань ... каньысь. 2. Сюзь ... сизьысь. 3. Порсьпи ... куканьысь. 4. Кӧин ... йӧраысь. 5. Кӧр ... понйысь.
Визьысь визьӧ кывсӧ вуджӧдігӧн ь (небыд пас) оз ков торйӧдны согласнӧй шыпассьыс: кӧчиль-ӧй, порсь-пи.
158 удж. Ворсыштам.
— Пуксьы, другӧ,
Мекӧд ворс.
Ворсанторйӧн:
«Вермас, оз?»
— Кӧкӧ-чойӧ вӧчӧ поз,
Позйыс сылы колӧ? ...
— Ичӧт пусӧ, зэв тай нэр на,
Ошпи пӧрӧдны, дерт? ...
— Коз пу вылын коляоз
Кӧдзыд тӧлын быдмӧ? ...
Н. Щукин.
159 удж. Лыддьы кывбурсӧ.
Ме да Зина
Вотім оз.
Кыкнаннымлӧн
Ӧткодь доз.
Тыртіс Зина
Быдса тасьті.
Сэки видзӧдлі
Ме ассьым.
Муртса киысь
Эз усь доз:
— Кӧні, кӧні
Менам оз?
Мыйла пыдӧсас
Дзик сӧмын?
Гашкӧ, дозлӧн
Уси дӧмас?
Гашкӧ, кӧнкӧ
Ыджыд розь,
Кыті киссис
Менам оз?
Сэки шуис
Зина чойӧй:
— Гежӧда кӧ
Вомад коян,
Ӧдйӧ тырас
Тэнад доз.
— Мыйла вомӧ.
Чеччӧ оз?
П. Бушенёв.
160 удж. Артмӧд кывъяс. Инды найӧс серпасысь.
К
П
Д
Р
оз
161 удж. Лыддьы «Ылаліс» кывбурсӧ.
Ӧктӧ Коля коляоз,
Сирӧссьӧма киыс.
Ок тэ, Коля, вильышпоз,
Коляозйыд абу оз,
Абу юмов сійӧ.
В. Бабин.
Бӧрйы лӧсялана кыв.
А: — Ті тӧданныд, кӧні быдмӧ турипув?
Б: — ... . Гашкӧ, ягын?
1. оз тӧдны
2. он тӧд
3. онӧ тӧдӧй
4. огӧ тӧдӧй
Тӧдмав нӧдкывсӧ.
Мыръяс дорын, турун пӧвстын,
Ӧзйӧ би моз мича роз.
Вомад босьтан, сэтшӧм чӧскыд,
Мый нӧ тайӧ, челядь? ...
А. Катышева.
ас — своими
аслыным — самим
артмӧд — образуй
ассьым — свою
би моз — как огонь
бокӧ — в сторону
бӧрддзис — заплакала
быдса — полную
вешйис — отошёл
вильышпоз — шалунишка
ворсанторйӧн — в игру
вундігад — во время жатвы
гежӧда — редко
гулюяслы — голубям
дзик сӧмын — только
доз — посуда
дӧмас — заплатка
киссис — высыпалась
кӧдзам — сеяли
коляоз — цветы ели
копыртчывлам — наклонялись
коян — бросаешь
кыкнаннымлӧн — у обеих
лӧньӧдіс — успокоила
мекӧд — со мной
муртса — чуть
нювсьыны — облизываться
нэр — слабый
оз позь — нельзя
оз гӧгӧрво — не понимает
оз вӧрзьӧд — не шевельнул
оз кывзысь — не слушается
оз тырмы — не хватает
ӧзйӧ — горит
ӧктӧ — собирает
ӧмӧй — ли
ӧткодь — одинаковые
порсьпи — поросёнок
пос помӧ — на крыльцо
пӧрӧдны — повалить
пыдӧсас — на донышке
розь — дырка
сирӧссьӧма — запачкались смолой
соссяна — отрицательное
сӧмын — только
сьӧкыда — тяжело
тырас — наполнится
тыртіс — наполнила
уна ног — по-разному
уськӧдчис — кинулась
шепла — за колоском
шыблавны — бросать
ылаліс — ошибся
энлы — подожди
эновтіс — оставил
эскӧдана — утвердительное
юмов — сладкий
40–42.
КОДЛЫ МЫЙ КОЛӦ?
Талун Анналӧн сёйигас уси пиньыс. «Кыдз нӧ пиньтӧгыс кута овны? Ставыс ӧд серавны мӧдасны. Да сэсся пиньтӧгыд и шушкыль кывъя лоа. Агния баб моз мӧда сёрнитны», — шогсьӧ нывка. Муртса оз бӧрд. Но мамыс пыр и бурӧдіс нылӧс:
— Эн шогсьы, выль пинь петас.
— Кысь петас. Агния бабыдлӧн тай оз пет!
— А тэнад петас. Шыбит пиньтӧ гӧбӧчӧ да шу:
Вир туп, яй топ,
Ошлы — нитш пинь,
Каньлы — йӧв пинь,
Шырлы — яй пинь,
Меным — лы пинь.
— Мам, а мыйла тайӧс колӧ шунысӧ? — юалӧ Аннуш.
— Мед выль пинь петас.
— А мыйла нӧ тэ эськӧ Агния бабыдлы он висьтав тайӧс? Шуас кӧ, гашкӧ, сылӧн быдмас жӧ выль пиньыс.
— Пӧрысь нин сійӧ, оз нин сылӧн быдмы.
— Мамӧ, а ошкыс мый сёйӧ?
— Вотӧс сёйӧ, турун.
— А шырыс мый сёйӧ?
— Быдторсӧ: шыдӧс и, сукар. Мый сюрӧ пинь улас, сійӧс и гиджгӧ-йирӧ.
"А кыдзи нӧ шырыс мӧдас сукарсӧ йирны яй пиньнас? — думайтӧ Анна. — Некыдз оз позь сетны шырыслы яй пиньсӧ, сылы ӧд сёйны жӧ колӧ».
— Но мый, эн на шыбит пиньтӧ? — юалӧ мамыс.
Аннуш матыстчис гӧбӧч ӧдзӧс дорӧ да чӧвтіс сэтчӧ пиньсӧ:
Вир туп, яй топ,
Ошлы — нитш пинь,
Каньлы — йӧв пинь,
а сэсся ньӧжмӧдіс гӧлӧссӧ да содтіс:
Шырлы — лы пинь,
И меным — лы пинь.
Е. Козлова серти.
162 удж. Лыддьы гораа колана ногӧн.
Сейигӧн, уси, серавны, сэсся, сёрнитны, нитш, сёйӧ, сюрӧ, сетны, сёйны.
163 удж. Комиӧд.
1. Не горюй, новый зуб вырастет. 2. Брось свой зуб в подпол и скажи. 3. А что ест медведь? 4. А что ест мышка?
* * *
— В субботу у Юры именины.
— Знаю.
— Нужно пригласить гостей на именины.
— Я уже позвонила бабушке и тёте Саше.
— Не забудь сообщить и дяде Афанасию.
— Не забуду. Завтра ему скажу.
— Ладно.
— Субӧтаӧ Юралӧн нимлун.
— Тӧда.
— Колӧ гӧсьтъясӧс корны нимлун пасйыны.
— Ме звӧнитлі нин ыджыд мамлы да Сандра тьӧткалы.
— Опонь дядьыдлы эн жӧ вунӧд юӧртны.
— Ог вунӧд. Аски висьтала сылы.
— Но, шань.
КОДЛЫ?
КАНЬ
ПӦЧ
ЁРТ
ӦНЬӦ
— ЛЫ
Ӧньӧ сетӧ вокыслы книга.
Коді сетӧ вокыслы книга?
Мый Ӧньӧ сетӧ вокыслы?
Кодлы Ӧньӧ сетӧ книгасӧ?
164 удж. Серпас серти лӧсьӧд юалана сёрникузя.
Вурдысь сетӧ кӧчлы морков.
165 удж. Содты колана кыв.
Отсӧг: — Мам висьталӧ (кодлы?).
— Мам висьталӧ нылыслы.
1. Пи гижӧ (кодлы?) письмӧ.
2. Пӧч висьталӧ (кодлы?) мойд.
3. Ӧльӧш звӧнитӧ (кодлы?).
4. Аннуш отсасьӧ (кодлы?).
166 удж. Вочавидз юалӧмъяс вылӧ.
— Кымын арӧс
Ваньӧлы?
Насталы?
Мишалы?
Катьӧлы?
Ваньӧлы 7 арӧс.
... 6 ... .
... 8 ... .
... 9 ... .
167 удж. Лыддьы шусьӧгъяссӧ. Корсь пӧвсӧ.
1. У умного и медведь пляшет.
2. Даже вороне силки поставить ума не хватает.
3. У чёрнӧй собаки белая шерсть не вырастет.
4. У голубя ястребиные когти не вырастут.
Сьӧд понлы еджыд гӧн оз пет.
Сюсьлы и ош йӧктӧ.
Гулюлы варыш гыж оз пет.
Ракалы дзуг пуктыны оз куж.
168 удж. Лыддьы кывбурсӧ.
НИМЛУН.
Самӧвар со дзожгӧ пӧсь —
Талун локтас уна гӧсьт:
Воас Ира,
Кодлӧн вески эм да-й гира;
Воас Нюра,
Коді акань платтьӧ вурӧ;
Воас Вань,
Кодлӧн нявгысь чача-кань;
Воас Васьӧ,
Коді вомнас гудӧкасьӧ;
Воас Нина,
Кодлӧн аслас пианино.
— Пуксьӧй, гӧсьтъяс, юӧй чай!
Талун Юрочкалы — квайт.
Ю. Васютов серти.
169 удж. Вочавидз юалӧмъяс вылӧ.
1. Кодлы Юра мӧдӧдіс нимлун вылӧ корӧм?
КОДЛЫ?
Нюралы
КОДЛЫ?
КОДЛЫ?
КОДЛЫ?
2. Кодлы сійӧ звӧнитліс?
Таня
Ӧньӧ
Юра
Валя
170 удж. Содты колана кывъяс.
Отсӧг:
Мам
ньӧбис
Олялы
ошпи.
Коді?
мый вӧчис?
кодлы?
мый?
гижис
серпасаліс
сетіс
нуис
вайис
171 удж. Лыддьы кывбурсӧ.
Чӧскыд вотӧсъяссӧ
Зіля котрӧдлы тэ
Батьыдлы да мамыдлы,
Пӧльыдлы да пӧчыдлы,
Ыджыд айыдлы,
Ыджыд мамыдлы.
Пувсӧ — кузолӧн,
Тшаксӧ — пестерӧн,
Озсӧ — тасьтіӧн,
Льӧмсӧ — пож тырӧн,
Сэтӧр — наберушкаӧн,
Чӧдсӧ — колачуманӧн,
Мырпом — ыджыд туисӧн,
Ӧмидз — паськыд шердынӧн.
Ю. Попова.
СОГЛАСНӦЙ ШЫЯС
гоз артмӧдан
чорыд
д з л н с т дж тш
небыд
дь зь ль нь сь ть дз ч
гозтӧм
б в г ж й к м п р ш ф х ц
172 удж. Комиӧд. Вӧдитчы кывчукӧрӧн.
Число — лы., хвоя — лы., снег — лы., песок — лы., лыжи — лы.. .
Бӧрйы лӧсялана кыв.
А: — Кутшӧм мича дзоридз!
Б: — Ме козьнала сійӧс ... .
1. чойлӧн
2. чойлы
3. чойкӧд
4. чой
Тӧдмав ребуссӧ да висьтав, кутшӧм козин воис сьӧлӧм вылас Юралы медъёна.
бурӧдіс — успокоила
вески — весы
вомнас гудӧкасьӧ — играет на губной гармошке вурдысь — крот
гиджгӧ-йирӧ — грызёт
гоз артмӧдан — парные
гозтӧм — непарные
гӧбӧч — подполье
колачуман — берестяное лукошко
лы — кость
матыстчис — подошла
мӧдасны — будут
моз — как
нимлун — именины
нявгысь — мяукающая
ньӧжмӧдіс гӧлӧссӧ — уменьшила голос
пинь — зуб
пож — решето
пӧсь — горячий
пӧрысь — старая
серавны — смеяться
сёйигӧн — во время еды
содтіс — добавила
сюрӧ — попадётся
шердын — берестяной лоток
шогсьӧ — горюет
шушкыль кывъя — косноязычная
шыбит — выбрось
шыдӧс — крупа
яй — мясо
43–45.
МУНІС, МУНІС...
Анна пукаліс Агния баб ордын лабич вылын да видзӧдіс ӧшиньӧ. Анналы вӧлі гажтӧм, кӧть пӧчыс вӧлі орччӧн да печкис.
— Агния баб, вай мыйкӧ мойд, — корис Аннуш.
— Став мойдсӧ нин мойдлі, нинӧм нин эз коль.
— Мойд, — нюжӧдіс Аннуш.
— Ачыд вай кӧть ӧтиӧс мойд. Али он жӧ куж? — юаліс Агния баб.
— Мыйла ог куж? Мойда.
Чӧв олыштіс. Мичаджыка пуксис. Сэсся лӧсьӧдыштіс платтьӧсӧ, кисӧ пуктіс пидзӧс вылас да заводитіс.
— Олісны-вылісны гозъя. Налӧн вӧлі Иван нима пи. Коркӧ Иван и шуӧ: «Ветла ме ылі муӧ-ваӧ, йӧзсӧ видзӧдла, ачымӧс петкӧдла». Косьтіс нянь, сӧвтіс мыш нопйӧ и мӧдӧдчис. Муніс да муніс, да муніс; муніс да муніс, да муніс. Ю воис. Вуджис. Муніс да муніс, да муніс; муніс да муніс, да муніс. Муніс да муніс, да муніс. Сэсся бӧр гортас воис.
Аннуш ланьтіс. Агния баб видзӧдліс внучкаыс вылӧ да юаліс:
— Пом нин воис?
— Пом.
— А мыйкӧ зэв дженьыд мойдыд да?
— Да-а, — нюжӧдіс Аннуш. — А мый дыра сійӧ муніс...
Е. Козлова серти.
173 удж. Лыддьы гораа колана ногӧн.
Муніс, пукаліс, видзӧдіс, вӧлі, орччӧн, мойдлі, нюжӧдіс, мичаджыка, сэсся, лӧсьӧдыштіс, пидзӧс, ылі, вуджис, дженьыд.
174 удж. Комиӧд.
1. Анна смотрела на улицу. 2. Попросила Аннуш. 3. Помолчала. 4. Руки положила на колени. 5. Почему не умею? 6. Аннуш замолчала. 7. Уже конец?
* * *
— Ты не знаешь, где я был во время каникул?
— Нет. А где?
— Не скажу.
— Почему?
— Потому что кончается на «у»!
— Тэ он тӧд, кӧні ме вӧлі каникул дырйи?
— Ог. А кӧн эськӧ?
— Ог висьтав.
— Мыйла?
— Выйла!
мыйла?
почему?
отчего?
175 удж. Лыддьы кывбурсӧ. Верман кӧ, вочавидз юалӧмъяс вылӧ.
Мыйла ручлы колӧ бӧж?
Мыйла кольксӧ кӧк оз пӧж?
Мыйла гожся шонді пым,
Тӧлын мусӧ вевттьӧ лым?
Мыйла паськӧм вежӧ пу?
Мыйла горув кывтӧ ю?
Мыйла мусмӧ шоныд зэр,
Оз во сьӧлӧм вылӧ шер?
Мыйла лунсӧ вежӧ вой?
Мыйла лэбач корсьӧ койт?
Мыйла, висьтав, дона пи,
Оз позь вӧрӧ лэдзны би?
Мыйла?
С. Попов.
Коми кывйын эмӧсь гоз артмӧдан гора да гортӧм согласнӧй шыяс.
гора: б г д ж з дж дз
гортӧм: п к т ш с тш ч
176 удж. Лыддьы. Висьтав гоз артмӧдан гора да гортӧм согласнӧй шыяса кывъяс.
Коми кыв урок дырйи ми велӧдім согласнӧй шыяс. Медым гӧгӧрвоанаджык лои гора да гортӧм согласнӧйяс йылысь тема, урок помланьыс заводитім ворсны. Ёрта-ёртӧс юасим:
— Кыдзи шусьӧ лэбачлӧн оланін?
— Поз.
— Мый колӧ, медым пуктыны сёян?
— Доз.
— Мый полӧ ваысь?
— Би.
— Вежан кӧ первой шыпассӧ, лоӧ бать-мамлӧн радейтана ... .
— Пи.
Ми аддзим уна татшӧм кыв гоз: ӧтиыс заводитчӧ либӧ помасьӧ гора согласнӧйӧн, мӧдыс — гортӧмӧн.
Ворсыштӧй и ті.
Журналысь.
177 удж. Лыддьы кывбурсӧ.
МЫЙЛА ШОНЫД ВАСЬЛЫ?
Миян Вася шоныд пася —
Сійӧс Васьлы Мегӧ дасьтіс,
Мед эз кынмы Васьлӧн юр,
Пушыд шапка вурис Ур.
Кисӧ шонтӧ вурун кепысь —
Сійӧс Васьлы Баля сетіс.
Коксӧ кӧдзыд мед эз кӧр,
Гӧна пими ыстіс Кӧр.
И. Торопов.
Мыйла тадзи шуам?
Сыктывкар — Коми мулӧн юркар. Тайӧ нимыс артмӧма кык кывйысь: «Сыктыв» да «кар». Сідзкӧ, Сыктывкар — сійӧ Сыктыв ю дорын сулалысь кар.
178 удж. Тӧдмав метаграммаяс. Инды тайӧ предметъяссӧ серпасысь.
МЫЙ ТАЙӦ?
1. Гора согласнӧйӧн быдмӧ пыр веж,
Гортӧмӧн — ӧткымын нывлӧн кыдз вез.
2. Гортӧм согласнӧйӧн вуджӧ ёль вомӧн,
Гораӧн — шыр да руч сэні — ас чомйын.
3. Гортӧм согласнӧйӧн — матысса морт,
Гораӧн — мичмӧдӧ ю дор и сёрд.
4. Гортӧмӧн рака и руч сійӧс сёйӧ,
Гораӧн — зіля зэв йӧрысь лым койӧ.
5. Гортӧмӧн — быттьӧ лымвывса пытш,
Гораӧн — му лукйӧ, вӧчӧ бур удж.
6. Гораӧн — ӧдзӧстӧ ӧшӧдантор,
Гортӧмӧн — лымлӧн зэв дзоляник тор.
7. Гораӧн — абу ме быдса кило,
Гортӧмӧн вежан — ме битӧг ог ло.
«Би кинь» журналысь.
179 удж. Лыддьы кывбурсӧ.
Мыйла талун синва сорӧн
бӧрдӧ ичӧт зон?
— Менӧ, — шуӧ, — кильчӧ дорын
пурис аслам пон.
— Мыйла дӧзмӧдан тэ сійӧс
помся кык лун чӧж?
— Шыран муртса босьтлі киӧ,
чинтыштны... кузь бӧж.
С. Попов.
* * *
Аннуш рытнас водігас шуӧ:
— Бабӧ, талун мойдсӧ лыддьы помсяньыс.
— Мыйла нӧ?
— Ӧдйӧджык тӧдмалам, мыйӧн помассьӧ.
«Би кинь» журналысь.
Бӧрйы лӧсялана кыв.
А: — ... ош ар помын пырӧ гуӧ?
Б: — Узьны тулысӧдзыс.
1. коді
2. кытчӧ
3. мыйла
4. кыті
Тӧдмав ребуссӧ.
аддзим — нашли
ас — в своём
вевттьӧ — накрывает
вежан — поменяешь
вежӧ — меняет
вез — паутина
верман — сможешь
вуджис — перешёл
вуджӧ — переходит
гажтӧм — скучно
гоз — пара
гозъя — муж с женой
горув кывтӧ — вниз течёт
гӧна — покрытый шерстью
дасьтіс — заготовил
дженьыд — короткая
дӧзмӧдан — дразнишь
ёль вомӧн — через ручей
койӧ — чистит
койт — ток
коркӧ — однажды
косьтіс — высушил
ланьтіс — замолчала
лабич — лавка
лӧсьӧдыштіс — поправила
лукйӧ — копает
лэдзны — пускать
матысса — близкий
мусмӧ — нравится
мый дыра — как долго
мыш ноп — заплечный мешок
нюжӧдіс — протяжно сказала
оз во сьӧлӧм вылӧ — не по сердцу
оз пӧж — не высиживает
он куж — не умеешь
ордын — у
ӧдзӧстӧ ӧшӧдантор — дверная петля
полӧ — боится
помся — подряд
печкис — пряла
пидзӧс — колено, колени
пурис — укусила
пым — горячий
пытш — блоха
сёрд — топь
сӧвтіс — сложил
чинтыштны — укоротить
чӧв олыштіс — помолчала
шер — град
шыран — ножницы
ылі — далёкие
ыстіс — выслал
эз коль — не осталось
эз кынмы — не замёрзла
46–47.
ТӦВ.
декабр
ӦШЫМ
январ
ТӦВ ШӦР
февраль
УРАСЬӦМ
* * *
— Какой бывает погода зимой?
— На улице холодно.
— Дует северный ветер.
— Окна заиндевели.
— Мороз трещит.
— Под ногами скрипит снег.
— Дни короткие, а ночи длинные.
— Кутшӧмӧн овлӧ тӧвся поводдяыс?
— Ывлаын кӧдзыд.
— Пӧльтӧ вой тӧв.
— Ӧшиньяс гыӧртісны.
— Керка стенӧ лыйсьӧ пашляк.
— Кок улын дзуртӧ лым.
— Лунъяс дженьыдӧсь, а войяс кузьӧсь.
вой — ночь
вой — северный, северная, северное, северные
180 удж. Висьтав серпасъяс серти, мый вӧчӧны челядь тӧлын?
181 удж. Лӧсьӧд ёртыдкӧд сёрни тӧвся лун коллялӧм йылысь.
182 удж. Лыддьы кывбурсӧ.
Лымйӧ, лымйӧ, кытысь усян?
Мыйла чирйӧн, абу тусьӧн?
Лымйӧ, лымйӧ, кытысь воин?
Кыдзи еджыднас тэ лоин?
Мыйла сэтшӧм кокни ачыд?
Сылан, веськалан кӧ пачӧ?
Веськалан кӧ ваӧ, йизян?
Мыйла усян визьӧн-визьӧн?
Ю. Васютов.
183 удж. Лӧсьӧд сёрникузяяс серпас серти. Висьтав, кыдзи тэ пасьтасян тӧлын.
184 удж. Лыддьы кывбурсӧ.
Коді камгӧ керка стенӧ?
Коді садьмӧдӧ пыр менӧ?
Тадзи кӧдзыд бара дурӧ,
Тшӧктӧ лэдзны тырӧн-бурӧн.
Шӧйтӧ ывлатіыс кӧдзыд,
Корсьӧ менсьым керка ӧдзӧс.
С. Попов.
Мыйла тадзи шуам?
ДЕКАБР — ӦШЫМ.
Декабр Комиын — лымъя да кӧдзыд тӧлысь, сы вӧсна шулӧмаӧсь важӧн сійӧс ӧшым кывйӧн. Тайӧ кывйыс кутӧма пашляк вежӧртас.
«Би кинь» журналысь.
185 удж. Содты лӧсялана кыв.
1. Детинкаяс ислалӧны ... .
2. Турун кыскалӧны ... .
3. Уръяс чӧсмасьӧны ... .
4. Челядь ывлаын ворсӧны ... .
Отсӧг: даддьӧн, доддьӧн, колльӧн, дзолльӧн.
186 удж. Лыддьы шусьӧгсӧ. Рочӧд.
Додьтӧ дасьты гожӧмын, а телегатӧ — тӧлын.
187 удж. Гиж чолӧмалана юӧр бать-мамлы, чой-воклы, пӧч-пӧльлы, ёртыдлы да мукӧдлы.
Чолӧмала Выль воӧн!
Сиа кузь нэм да бур шуд!
188 удж. Лыддьы да велӧд кывбуръяссӧ.
Тӧлын уна удж оз вӧч
Дженьыд бӧжа тэрыб кӧч.
Мый нӧ колӧ вӧчны
Дзикӧдз кынмӧм кӧчлы?
С. Попов.
Коз пу вылын — лым, лым,
Коз пу улын — лым, лым, —
Гӧгӧр лымйӧн тырӧма.
Ошкыс гуӧ пырӧма,
Тӧвбыд узьӧ, вой и лун, —
Энӧ торкӧй ошлысь ун.
И. Токмакова серти. Комиӧдіс С. Куликов.
Луныс вывті дженьыд лоис —
Чайтан, войлы пом оз во.
Миян керкаӧ тшӧтш воис
Озыр шуд — гажа Выль во.
Пашкыр коз пу вайим вӧрысь:
Аддзан, лыснас абу гӧль.
Регыд пырас тошка, пӧрысь,
Ноп тыр козина Вой пӧль.
С. Куликов.
Велӧд коз йылысь сьыланкыв.
Козйӧ, козйӧ, мый сулалан?
Ме ӧд тэнӧ пӧрӧда,
Ме ӧд тэнӧ пӧрӧда да,
Пескӧ керала,
Пескӧ керала да,
Пачӧ ломта,
Кыз ӧгырӧ уськӧда да,
Сё блин пӧжала,
Вӧсни ӧгырӧ уськӧда да,
Сё печенча пӧжала.
Фольклорысь.
Бӧрйы лӧсялана кыв.
А: — Мыйӧн тэ ислалан тӧлын?
Б: — Ме ... лызьӧн.
1. ислалам
2. ислаланныд
3. ислала
4. ислалӧ
Тӧдмав нӧдкывъяссӧ.
1. Еджыд эшкын став мусӧ эжис.
2. Тӧлын и гожӧмын ӧти паськӧма.
Воча кывсӧ корсь 181 лист бокысь.
важӧн — давно
веськалан — попадёшь
визьӧн-визьӧн — рядами
гӧль — бедная
дасьты — готовь
дзикӧдз — совсем
дзоль — палочка
йизян — заледенеешь
камгӧ — стучит
керала — нарублю
коллялӧм йылысь — как проводим
кокни — лёгкая
корсьӧ — ищет
кыз ӧгырӧ уськӧда — доведу до крупных горящих углей
ломта — затоплю
лэдзны — пустить
пашкыр — пушистая
пашляк — трескучий мороз
пес — дрова
печенча — печёный картофель
пӧрӧда — свалю
садьмӧдӧ — будит
сиа — желаю
сылан — таешь
тошка — бородатый
тырӧма — завалено
тэрыб — проворный
тшӧктӧ — заставляет
ун — сон
чайтан — думаешь
чолӧмала — поздравляю
шӧйтӧ — бродит
шуд — счастье
эжис — покрыло
энӧ торкӧй — не нарушайте
эшкын — одеяло
УРОК ДЫРЙИ ТШӦКЫДА ПАНЫДАСЬЛЫСЬ КЫВЪЯС ДА ВЫРАЖЕНИЕЯС
бӧрйы лӧсялана кыв — выбери подходящее слово
велӧдчы юасьны комиӧн — учись задавать вопросы на коми
висьтав — скажи
вочавидз юалӧм вылӧ — ответь на вопрос вӧдитчы словарӧн — пользуйся словарём
рочӧд — переведи на русский язык
комиӧд — переведи на коми язык
корсь пӧвсӧ — найди пару
кут тӧд вылад — запомни
кыв — слово
кывзы бура — слушай внимательно
кывъяс отсӧгӧн лӧсьӧд — с помощью слов составь
кывтэчас — словосочетание
сёрникузя — предложение
кыдзи лоӧ — как будет
лыддьы — прочитай
висьт — рассказ
кывбур — стихотворение
кывпесан — скороговорка
мойд — сказка
нӧдкыв — загадка
нюмсер — шутка
сьыланкыв — песня
шусьӧг — пословица
мӧвпышт — подумай
помав — закончи
сёрникузя помын — в конце предложения
содты колана кывъяс — дополни словами
содты колана шыпасъяс — вставь пропущенные буквы
эн вунӧд — не забудь, запомни
эн сорлав — не делай ошибок
юав — спроси
юалӧм — вопрос
ФРАЗЕОЛОГИЗМЪЯС
вежӧй петӧ — слюнки текут
гаж бырис — я соскучился
горшӧй косьмӧ — я пить хочу
кынӧмӧй сюмалӧ — я есть хочу
лӧгӧй петӧ — зло берёт
серам петкӧдлыны — смешить
сьӧлӧм вылӧ воис — приглянулось, понравилось
сьӧлӧмӧй бурмис — я успокоился
чӧв овны — молчать
шогӧ усьны — печалиться
яндысьтӧм син — бессовестный
КОМИА-РОЧА КЫВЧУКӦР
А
абу — не, нет
аддзыны — видеть, увидеть
аддзысьлытӧдз — до свидания
акань — кукла
ань — женщина
анькытш — горох
арся — осенний
ар — осень
арӧс — год, лета
аски — завтра
аскомысь — послезавтра
асыв — утро
аттьӧ — спасибо
Б
байдӧг — куропатка
баля — ягнёнок, овца, овечка
бать — папа
би — огонь
бипур — костёр
бобӧнянь — клевер
бобув — бабочка
бокын — у
борд — крыло
босьтны — взять
бӧж — хвост
бӧрдны — плакать
бур — добрый, хороший
бурдӧдны — лечить
быдмӧг — растение
быдмыны — расти, вырасти
В
ва — вода
важ — древний, старый
важӧн — раньше, давно
вайны — принести
варгыль — косолапый
вевт — крыша, крышка
вежалун — воскресенье
вежон — неделя
век — всегда
велӧдны — учить
велӧдчыны — учиться
велӧдчысь — ученик, ученица
велӧдысь — учитель, учительница
вердны — кормить
весавны — чистить, убирать
ветлыны — сходить, ездить
вешйыны — отойти
видз — сенокосный луг
видза олан — здравствуй
видза оланныд — здравствуйте
видзӧдны — смотреть
вижъюр — мать-и-мачеха
визь — линия
визя — полосатый
висьны — болеть
висьтавны — говорить, рассказать
вич — отчество
во — год
водздӧра — передник
вой — ночь
войвыв — север
войдӧрлун — позавчера
войтва — капель
вок — брат
вом — рот
ворсны — играть
восьтыны — открыть
вотны, ӧктыны, чукӧртны — собирать
вотӧс — ягода
вочавидзны — ответить
вӧв — лошадь, конь
вӧнь — пояс, поясок
вӧркань — рысь
вӧр — лес
вӧрса — лесной, дикий
вӧчны — делать
вугыр шатин — удочка
вундыны — резать
вунӧдны — забыть
вурд — выдра
вурдысь — крот
вурны — шыть, пришивать
вурун — шерсть, шерстяной
вутш — кочка
вый — масло
вылын, вылӧ — на
выль — новый
выльлун — понедельник
Г
гажа — весёлый, радостный
гач — брюки
гижны — писать
гожӧм — лето
гораа — громко
горс — дупло
горт, керка — дом
гортса — домашний
гӧгӧр — вокруг
гӧгрӧс — круглый
гӧгыль — колесо
гӧль — бедный
гӧн — шерсть
гӧрд — красный
гӧрд гоб — подосиновик
град выв пуктас — овощи
гудӧк — гармонь
гулю — голубь
гут — муха
гут кулан тшак — мухомор
гыж — ноготь, ногти; коготь
гынкӧм — валенки
гыч — карась
Д
дадь — санки
детинка, зонка — мальчик
джадж — полка
дженьыд — короткий
джодж — пол
джуджыд — глубокий; крутой, высокий
джыдж — стриж
дзодзӧг — гусь
дзоридз — цветок
додь — сани
дозмӧр — глухарь
дона — дорогой, ценный
дорын, дорӧ — к
дӧрӧм — рубашка
Е
еджыд — белый
еджыд гоб — белый гриб
енгаг — божья коровка
енэж — небо
Ё
ёкыш — окунь
ёль — лесной ручей
ён — крепкий, сильный
ёна — сильно, очень
ёрт — друг, товарищ
Ж
жонь — снегирь
жыр — комната
З
зарни — золото, золотой
зарава — берёзовый сок
зеп — карман
зіля — старательно, скоро
зыр — лопата
зэв — очень
зэр — дождь
зэра — дождливый
зэрӧ — идёт дождь
И
из — камень, камешек
исковтны — скатиться
иславны — кататься
истӧг — спички
ичӧт, посни, дзоля — маленький, младший
Й
йи — лёд
йинёнь — сосулька
йӧв — молоко
йӧз — люди
йӧла турун — одуванчик
йӧр, град йӧр — огород
йӧра — лось
йылысь — о, об, про
К
кага — ребёнок
кань, кысук — кошка
катша — сорока
катшасин — ромашка
кекенач — ладушки
кепысь — рукавицы, варежки
ки — рука, руки
кизь — пуговица
коді — кто
кодйыны — копать, рыть
кодла — за кем
кодлӧн — у кого, чей
кодӧ — в кого
кодӧн — кем
кодӧс — кого, от кого
кодын — в ком
кодысь — кого, от кого
коз — ель, ёлка
козин — подарок
козьнавны — подарить
кок — нога, ноги
кокни — лёгкий, легко
коль — шишка
кольквиж, виж — жёлтый
комиӧн — на коми
кор — лист дерева; когда
кос поводдя — сухая ясная погода, сухо
котӧртны — бежать
кӧвдум — колобок
кӧдздӧдны — похолодать
кӧдзыд — холодный, морозный, холодно
кӧин — волк
кӧк — кукушка
кӧм — обувь
кӧмавны — обуть
кӧні — где
кӧр — олень
кӧрт — железо, железный
кӧч, кӧчиль — заяц
кужны — уметь
кузь — длинный
кукань — телёнок
кутшӧм — какой, какая, какое, какие
курыд — горький
кушман — редька
кыв — язык
кывзыны — слушать
кывны — слышать, услышать
кыдзи — как
кыдз пу — берёза
кыз — толстый
кымӧр — облако, туча
кымӧра — облачно
кымын — сколько
кын — ледяной, мёрзлый
кынмыны — мёрзнуть
кынӧм — живот
кыны — вязать, ткать
кыр — высокий берег, гора
кыті — где
кытчӧ — куда
кытысь, кысь — откуда
Л
лежнӧг — шиповник
лёк — плохой, плохо
локны — прийти
лӧз — синий
лӧня — тихо
лӧсьыд — хороший
лун — день
лунвыв — юг
льӧм пу — черёмуха
лыддьыны, лыддьысьны — читать
лым — снег
лымъялӧ — идёт снег
лым чир — снежинка
лым мач — комок снега
лым морт — снеговик
лысва — роса
лыска — хвойный
лэбач — птица
лэбны — лететь
лэбавны — летать
лэчыд — острый
М
ма — мёд
мазі — пчела
майтӧг — мыло
мам, мамӧ — мама
ме — я
меж, мегӧ — баран
мелі — ласковый
менам — у меня, мой, моя, моё, мои
менсьым — у меня; мой, моя, моё, мои
менӧ — меня
меным — мне
ми — мы
мича — красивый
мичаа — красиво
миян — у нас
миянӧс — нас
миянлы — нам
миянлысь — у нас
мой — бобр
морӧс — грудка, грудь
морт — человек
мӧвпыштны — подумать
мӧс — корова
му — земля, поле
мудер — хитрый, мудрый
мукӧд — другие
мунны — идти
муса — милый
мый — что
мыйла — почему
мыйлӧн — чего
мыйлы — чему
мыйӧ — во что
мыйӧн — чем
мыйын — в чём
мыйысь — из чего
мыр — пень
мырпом — морошка
мыссьыны — умыться
мыськыны — мыть
Н
найӧ — они
найӧс — их
налӧн — их
налы — им
налысь — у них
намыр — костяника
небӧг — книга
небыд — мягкий
нидзув — червь дождевой
ним-вич — имя-отчество
нимкодь — радостно
нимлун — именины
нитш — мох
новлыны — носить
ном — комар
нӧк — сметана
нуны — нести
ныв — дочь; девушка
нывка — девочка
ныр — нос
нюмъявны — улыбаться
нюр — болото
нянь — хлеб
О
овны — жить
ог, он, оз, огӧ, онӧ — не, нет
оз — земляника
озыр — богатый
отсавны — помогать
отсӧг — помощь
ош — медведь
Ӧ
ӧдзӧс — дверь
ӧмидз — малина
ӧні — сейчас
ӧшинь — окно
ӧшкамӧшка — радуга
П
пань — ложка
пась — шуба
паськыд — широкий
пасьтавны — надевать, надеть
пасьтасьны — одеться
пач — печка
пашкыр — пушистый
пель — ухо, уши
пельмень, пельнянь — пельмени
пелысь пу — рябина
пемӧс — животное, зверь
пемыд — тёмный, темно
петкӧдлыны — показать
петны — выйти, выходить
петшӧр — крапива
пи — сын
пинь — зуб, зубы
пипу — осина
пожӧм — сосна
поз — гнездо
позьӧ — можно
пом — конец, завершение
пон — собака
понпи, кутю — щенок
понтшак — гриб, поганка
порсь, польӧ — свинья
пӧжавны — печь, испечь
пӧлӧзнича — василёк
пӧль, ыджыд бать, ыджыд ай — дед
пӧрт — котелок
пӧрысь — старый, пожилой
пӧрччысьны — раздеться
пӧсь (пым) — горячий
пӧтка — дичь
пӧч, ыджыд мам — бабушка
пу — дерево, деревянный
пув — брусника
пукавны — сидеть
пуксьыны — садиться, сесть
пуктыны — положить, ставить
пуны — варить
пурт — нож
пыж — лодка
пызан — стол
пызь — мука
пыр — всегда
пырны — зайти, войти
пыста — синица
пытшкын, пытшкӧ — в, внутри
пышкай — воробей
Р
радейтны — любить
рака — ворона
регыд — скоро
рок — каша
рочӧн — по-русски
рӧдвуж — родня
рӧм — цвет, окраска
рӧмпӧштан — зеркало
ру — туман
руд — серый
руч, ручиль — лиса
рысь — творог
рыт — вечер
С
сайын, сайӧ — за
серпас — картина
серпасавны — рисовать
сетны — дать
сёйны — есть, кушать
сёркни — репа
сёрнитны — говорить
сизь — дятел
син — глаза
сины — желать
сир — щука; смола
сійӧ — он, она, оно
сійӧс — её, его
скӧр — сердитый, злой
став бурсӧ — всего хорошего
сос — рукав, рукава
сӧстӧм — чистый
став — все, вся
сулавны — стоять
сывны — таять, растаять
сылӧн — у него, у неё
сылы — ему, ей
сылысь — у него, у неё
сын — язь
сынавны — расчёсывать
сынан — расчёска
сынӧд — воздух
сырчик — трясогузка
сьӧд — чёрный
сьӧдбӧж — горностай
сьӧд рака — грач
сьӧла — рябчик
сьӧлаоз — поленика
сьывны — петь
сэні — там
сэсся — потом
сэтӧр — смородина
сэтчӧ — туда
сэтшӧм — такой
сюзь — сова
сюр — рог, рога
сюсь — умный, хитрый
Т
тайӧ — это, эта, этот
талун — сегодня
тані — здесь, тут
тар — тетерев
тасма — ремень
тасьті — тарелка, миска
тасьті-пань, дозмук — посуда
татчӧ — сюда
татшӧм — такой
тешкодь — смешной
тёпкӧ-виялӧ — капает
ті — вы
тіян — ваш, ваша, ваше, ваши
тіянӧс — вас
тіянлы — вам
тіянлысь — у вас
тола — сугроб
том — молодой
тошка — бородатый
тӧв — зима; ветер
тӧдны — знать
тӧдмавны — узнать
тӧдмасьны — знакомиться, познакомиться
тӧла — ветреный, ветрено
тӧлысь — месяц, луна
тӧрыт — вчера
тулан — куница
тулыс — весна
тупӧсь — каравай, буханка хлеба
тури — журавль
турипув — клюква
турун — трава
турунвиж, веж — зелёный
тусь — зёрнышко; ягода
тшак — гриб
тшем — густой, частый
тшӧктыны — попросить, приказать
тшӧкыда — часто
тшӧтш — тоже
тшупӧд — ступенька
тэ — ты
тэнад — у тебя, твоя, твоё, твои
тэнӧ — тебя
тэнсьыд — у тебя; твой, твоя, твоё, твои
тэныд — тебе
тэрыб — проворный, шустрый
У
ув — сук, сучок; ветка
увтны — лаять
удж — работа
уджавны — работать
уджач — трудолюбивый
узьны — спать
улӧс, джек — стул
улын, улӧ — под
ур — белка
уртшак — сыроежка
уна — много
усьны — падать
Ч
чань, чибӧ — жеребёнок
чача, ворсантор — игрушка
челядь — дети
чер — топор
черань — паук
чери — рыба
черинянь — рыбник
чеччыны — встать
чеччавны — прыгать, скакать
чикыш — ласточка
чипан, курӧг — курица
чипан кольк — куриное яйцо
чой — сестра; горка
чолӧмавны — поздравить, приветствовать
чом — конура; шалаш
чӧд — черника
чӧдлач — голубика
чӧв-лӧнь — тишина
чӧскыд — вкусный
чужан — родной
чужан лун — день рождения
чужӧм — лицо
чукӧртны — собрать, собирать
чунь — палец
чут — точка
чышкыны — подмести, вытереть
чышъян — платок
Ш
шань — добрый
шаньга — шаньга
шома — кислый
шонді — солнце
шондіа — солнечно
шоныд — тёплый, тепло
шӧвктугӧй — красавица
шуда — счастливый
шуны — сказать
шусьыны — называться
шы — звук
шыбитны, чӧвтны — бросить
шыблавны — бросать
шыд — суп
шыдӧс — крупа
шыльыд — гладкий
шыпас — буква
шыр — мышь
шыранькытш — мышиный горошек
шыран, ножич — ножницы
Ы
ывлаын — на улице
ыджыд — большой, старший
ыж — овца
ыргӧн — медный
ырӧш — квас
Э
эг, эн, эз, эгӧ, энӧ — не
эжа — дёрн
эм (эмӧсь) — есть (имеются)
эрд — полянка, поле
эськӧ — же
этша — мало
эшкын — одеяло
Ю
ю — река
юавны — спросить
югӧр — луч
югыд — светлый, светло
юква — уха
юмов — сладкий
юны — пить
юр — голова
юрси — волосы
юсь — лебедь
Я
яг — бор
яй — мясо
ябыр — скворец
ЮРИНДАЛЫСЬ — ОГЛАВЛЕНИЕ
I. Менам ставсӧ дасьтӧма нин школаӧ.
1–2. Вай тӧдмасям 4
3–4. Школа дорын 9
5–6. Мишук рисуйтчӧ. Н. Куратова 14
7–8. Школаын. Г. Горчаков серти 20
Кӧні? юалӧм вылӧ вочавидзысь кывъяс 22
II. Ӧти здук ог ӧшйыв инам.
9–10. Кодӧн ме лоа? 28
Кодӧн? мыйӧн? юалӧмъяс вылӧ вочавидзысь кывъяс. 30
І да э, и да е шыпасъяс гижӧм 34
11–12. Шырӧн-каньӧн. Н. Куратова серти 37
Дж шыа кывъяс шуанног 41
13–14. Карӧ экскурсияӧн. З. Рогова серти 44
Кытчӧ? юалӧм вылӧ вочавидзысь кывъяс 47
Дз шыа кывъяс шуанног 49
15–16. Мойдчӧм. Чачаяслӧн доктор. Илля Вась 51
Кодлӧн? юалӧм вылӧ вочавидзысь кывъяс 53
Тш шыа кывъяс шуанног 56
17. Бур мам. С. Попов 59
Менам, тэнад, сылӧн, миян кывъяс 60
Щ шыпаса кывъяс шуанног 63
III. Во гӧгӧр кытшовтӧм.
18–19. Арся поводдя 67
Ӧти да уна предмет ним 69
20. Ваньӧ да Саньӧ. Н. Никулин серти 77
Коми алфавит 79
21–22. Отсӧг (мойд). С. Раевский серти 84
Действие нима кывъяс. Ӧнія када кадакывъяс 87
23–24. Ур шог (мойд). Г. Юшков 96
Кытысь? мыйысь? юалӧмъяс вылӧ вочавидзысь кывъяс 97
25–26. Пытшкын кывбӧр 104
Тшакъяслӧн зык (мойд). И. Коданёв серти 106
27–28. Мам. Ан. Тарабукин 111
Кодӧс? мый? юалӧмъяс вылӧ вочавидзысь кывъяс. 113
Сёрникузя помын чут, юалан да горӧдан
пасъяс пуктӧм 117
29–30. Медбур олӧм — чужан муын (финн мойд). 119
Признак нима кывъяс. 121
31–33. Катша рӧмпӧштан (мойд). Г. Юшков серти. 129
Действие нима кывъяс. Колян када кадакывъяс. 132
Кывъяс вуджӧдӧм. 136
34–36. Катша рӧмпӧштан (мойд пом). Г. Юшков серти. 139
Действие нима кывъяс. Ог, он, оз, огӧ, онӧ соссяна кадакывъяс. 141
Кыв помын ь (небыд пас) гижӧм. 143
37–39. Нянь. Е. Козлова серти. 147
Кыв шӧрын ь (небыд пас) гижӧм. 151
40–42. Кодлы мый колӧ? Е. Козлова серти. 155
Кодлы? юалӧм вылӧ вочавидзысь кывъяс. 158
Гоз артмӧдан да гозтӧм согласнӧй шыяс. 163
43–45. Муніс, муніс... Е. Козлова серти. 165
Мыйла? юалана кыв. 167
Гора да гортӧм согласнӧй шыяс. 168
46–47. Тӧв. 173
Урок дырйи тшӧкыда паныдасьлысь кывъяс да выражениеяс 182
Комиа-роча кывчукӧр 183
